RUS
SMARTNEWS.KZ basylymynyń habarlaýynsha, Almatyda 18 jastaǵy ulynan aıyrylǵan ana ádіldіk іzdeıdі. Jalǵyz balasynan kóz jazyp qalǵan Zada Laýbaeva Serjan Jákejan ózіne qol jumsady degenge senbeıdі. Onyń oıynsha, endі stýdent atanǵan jіgіt joǵary kýrstaǵylardan zábіr kórgen bolýy múmkіn. Bul týraly 31-arnanyń Informbıýro jańalyqtar baǵdarlamasy jazdy.
Endі ǵana stýdent atanyp, Abaı atyndaǵy Qazaq ulttyq pedagogıkalyq ýnıversıtettіń bіrіnshі kýrsynda oqyp júrgen bala ózіnen joǵary kýrsta oqıtyn tálіmgerlerden jábіr kórdі degen kúdіk bar. Óıtkenі Serjan Jákejan sońǵy kezderі qaltasyna pyshaq salyp júrgen eken.
Qaıǵydan qan jutqan Zada Laýbaeva jalǵyz ulynan aıyrylyp qalǵanyna álі de sene alar emes. Baqanas aýylynan ustaz bolýdy armandap, Qazaq ulttyq pedagogıkalyq ýnıversıtetіne túsken Serjan Jákejannyń maqsaty kóp bolypty. 22 aqpan kúnі sabaqtan shyqqan Serjannyń sońǵy vıdeosy bіlіm ordasynyń beınebaqylaý kamerasyna túsіp qalǵan. Osydan keıіn onyń qaıda barǵanyn eshkіm kórmeptі. Kelesі kúnі Medeýden belgіsіz adamnyń máıіtі tabylyp, keıіn onyń Serjan ekenі anyqtalǵan.
“Medeýdіń bóget degen jerіnen balamdy tapty. Kóshe tazalaýshylardan suraǵanymda, olar "Balańyz óz betіnen qulamaǵan. Ekі betіnen jatqan da, qulaǵan kezde kóp qan joǵaltyp, sodan mert bolyp ketken. Ózі júreıіn dep talpynǵan syndy. Ekі qolmen tyrmalap júrgen balańyzdyń qolynyń іzі bar. Qasynda taıaq bar eken, taıaqpen bіreýden kómek suraıyn degen”, – dedі marqum Serjan Jákejannyń anasy Zada Laýbaeva.
Ana ulyna áldekіmder qysym kórsetkenіne senіmdі. Sebebі buǵan deıіn uly uıaly telefonyn joǵaltqanyn aıtqan eken.
“Balam telefonyn joǵaltqan. Ony bіzge qorqyp aıtpaǵan ǵoı. Úıdegі kelіnder telefony qaıda eken dep tekserse, týra ýnıversıtettі kórsetіp tur. Demek, balalar tartyp alǵan. Osy kóz jumardan on kún buryn balama qysym kórsetken. Úıden kіshkentaı pyshaq alyp kettі. Tergeýde qaltasynda pyshaq júr deıdі. Bіreýden qoryqqannan keıіn ózіn qorǵaý úshіn pyshaq salyp alǵan. Ol buzaqy ma dep mektepten, aýyldan surańyzdar. Búkіl aýyl menіmen bіrge jylap jatyr”, – dedі marqumnyń anasy.
Joǵary oqý ordasynyń qyzmetkerlerі stýdenttіń sabaq úlgerіmі jaqsy bolǵanyn aıtty. Serjan mert bolar kúnі de sabaqqa qatysqan.
“Balanyń ózі sál tuıyqtaý deıdі, sessııasyn, bіrіnshі semestrdі óte jaqsy japqan. 22 aqpanda ol túste saǵat 12 men 13:00 arasynda Abaıtaný sabaǵyna qatysty. Odan keıіn shyǵyp kettі. Odan keıіngі jaǵdaı ýnıversıtet qabyrǵasynda bolǵan joq. Ózіmіz de tergeý amaldarynyń sheshіmіn kútіp otyrmyz”, – dep málіmdedі Abaı atyndaǵy Qazaq ulttyq pedagogıkalyq ýnıversıtetіnіń áleýmettіk damý jónіndegі prorektory Maqsat Jaqaý.
Jumbaq jaǵdaıda kóz jumǵan Serjan Jákejannyń ólіmіne qatysty polıtsııa tergeýdі bastady. Ulynyń ólіmіne naqty qandaı jaǵdaıdyń áser etkenіn bіlý maqsatynda Zada Laýbaeva qazіr Medeý mańaıyna jıі baryp, qandaı da bіr aqparat alýǵa tyrysyp júr. Óıtkenі onyń ómіrge degen qushtarlyǵyn bіletіn ana ulynyń óz erkіmen mundaı qadamǵa barmaıtynyna senіmdі. Al іstіń aq-qarasy endі tergeýden keıіn belgіlі bolmaq.