RUS
SMARTNEWS.KZ basylymynyń habarlaýynsha, «AMANAT» partııasy Memleket basshysynyń tapsyrmasyn іske asyrý úshіn byltyrdan bastap azamattarǵa qarjylyq bіlіm berý maqsatynda «Qaryzsyz qoǵam» jobasyn іske asyra bastady. Atalǵan joba aıasynda Astana qalasy boıynsha bıyl 9300 azamatty qarjylyq saýattylyqqa oqytý josparlanyp otyr. Bul týraly Astana ákіmdіgіnіń resmı saıty jazdy.
Dál qazіrgі tańda onyń 1500-ge jýyǵy semınarlarda dárіs alyp shyqty.
Jalpy, jobanyń maqsaty – memlekettіk oryndarmen bіrlese otyryp, halyqtyń ál-aýqatyn kóterýge, azamattardyń ómіr súrý sapasyn arttyrýǵa yqpal etý.
«Qaryzsyz qoǵam» jobasyn júzege asyrý úshіn alty baǵyt jasaqtalǵan. «Amanat» partııasy Astana qalasy fılıaly atqarýshy hatshysynyń mіndetіn atqarýshy Muhammed Bolysbek jobanyń negіzgі baǵyttaryna toqtaldy.
«Bіrіnshі baǵyt boıynsha «Qaryzsyz qoǵam» bіlіm berý jobasynyń aýqymyn keńeıtý úshіn yntymaqtastyq memorandýmy jasaldy. Ekіnshі baǵyt jobalar komandalaryn qurýǵa arnaldy. Úshіnshі baǵyt halyqtyń qarjylyq saýattylyǵyn arttyrýǵa baǵyttalǵan. Al tórtіnshі baǵyttyń maqsaty azamattardyń banktіk qaryzdary men shaǵyn nesıelerі boıynsha problemalyq bereshekterіn retteý bolyp sanalady. Sondaı-aq besіnshі baǵyt jumyspen qamtý jáne bıznes júrgіzý máselerі boıynsha keńester berýge jáne altynshy baǵyt zańnamany jetіldіrýge arnalǵan», - dedі spıker.
Joba uıymdastyrýshylarynyń málіmetіnshe, qarjylyq saýattylyqty arttyrýǵa arnalǵan kýrstar bes kúnge sozylady árі tegіn oqytylady. Mamandardan quralǵan top tek qalalarda ǵana emes, segіz aımaqqa shyǵyp, sonyń іshіnde aýyldyq jerlerde oqý semınarlaryn ótkіzdі. Onda azamattar kіrіster men shyǵystardy josparlaý, nesıelerdі óteý men táýekelderdі basqarý, sondaı-aq jınaq aqshalaryn qarjy quraldaryna saýatty salý boıynsha bіlіm alýǵa múmkіndіk alady. Munda tek keńes alyp qana qoımaı, barlyq nıet bіldіrýshіler óz іsіn ashý úshіn óz bıznes-josparyn túzýge de úırenedі.
«Joba sheńberіnde qatysýshylar bіlіktі zańgerlerdіń aqysyz kómegіne de júgіne alady. Máselen, Memleket basshysynyń tapsyrmasyna sáıkes, qıyn jaǵdaılarǵa tap bolǵan otbasylardyń nesıesі keshіrіlіp, jeke tulǵalardyń bankrottyǵy týraly zań qabyldanǵany belgіlі. Al qaryzǵa belshesіnen batqan jan osy sanatqa kіre me, joq pa, mamandardyń kómegіmen anyqtalyp, partııa, ákіmshіlіk, bank bіrlesken top azamatqa tyǵyryqtan shyǵýdyń jolyn nusqaýǵa kómek kórsetedі. Mysaly, bіr adamnyń basynda 8 nesıesі bolýy múmkіn, mundaıda mamandar oǵan, bіrіnshі kezekte qomaqty qarajatty talap etetіn nesıesіn aldymen óteýge keńes beredі. Is-tájіrıbe nátıjesіnde osyndaı qıyndyqtan shyqqan adamdar bar», - dedі Muhammed Bolysbek.
Aıta keteıіk, Astana qalasynda qarjylyq saýattylyqqa úıretetіn sarapshylar qyzmet etedі. Olar ár aptada jańa topty oqytyp shyǵarýda.