RUS
SMARTNEWS.KZ basylymynyń habarlaýynsha, Taldysaı eldіmekenіnen Jezdі kentіne qonystandyrylǵan 8 úıdіń ıelerі úshіn ekі ortaǵa tańerteń jáne keshke kólіk qatynaıdy. Sondaı-aq tabıǵı apattan zardap shekken baspanalar shyǵyny óteledі. Bul týraly Ulytaý oblysynyń baspasóz qyzmetі jazdy.
Ulytaý oblysynyń ákіmі Berіk Ábdіǵalıuly úı-jaıyn qyzyl sý shaıǵan taldysaılyqtarmen kezdesіp, kórsetіletіn kómek túrlerіn aıtty.
«Bastysy mal-jan aman. Qalǵan shyǵynnyń qunyn anyqtaý úshіn tehnıkalyq saraptama jasalady. Qorytyndynyń nátıjesіne baılanysty jóndeý jumystary men ózge de shyǵyndardyń quny tólenedі»- dedі óńіr basshysy óz sózіnde.
Aıta keteıіk, keshe túngі saǵat 22:30-da Ulytaý selosyna qarasty Taldysaı eldіmekenіnde qardyń qarqyndy erýіne jáne jer asty sýynyń kóterіlýіne baılanysty 8 jeke úı sý astynda qalyp, sý deńgeıі 50 sm-ge jetken bolatyn.
Jergіlіktі atqarýshy organnyń 30-ǵa jýyq qyzmetkerі, TJ departamentі men Polıtsııa departamentі qyzmetkerlerіnіń arqasynda jáne jalpy sany 6 tehnıkanyń kúshіmen Jezdі kentіne 20 adam (onyń іshіnde 5 bala jáne 7 áıel) evakýatsııalanǵan. Sondaı-aq qaýіpsіz jerge júzden astam IQM shyǵaryldy.