RUS
SMARTNEWS.KZ basylymynyń habarlaýynsha, ánshі Ábdіjappar Álqoja «Instagram» paraqshasynda ápkesі Roza Álqoja ekeýіn «toı ánshіsі» dep synaǵan dástúrlі ánshі Aqmaral Noǵaıbaevaǵa jaýap berdі.
«Bes juldyz» baǵdarlamasynda maǵan «Qashanǵy halyqtyń yǵyna qarap jumys jasaımyz?» dedі. Bul – estrada, teatr emes, konservatorııa emes. Bіz halyqtyń yǵyna jumys jasaımyz, halyq toıyna shaqyrsa baramyz, halyq «kontsert ber» dese, beremіz! Sol úshіn bіz estrada ánshіsіmіz.
Men Aqmaral Noǵaıbaeva ápkeme áńgіme aıta almaımyn. Kerіsіnshe, aýyr aıtyp qoısam keshіrіm suraımyn. Bіraq ár óner adamynyń ózіndіk pіkіrі bar. Aıta alýǵa haqyly qylyp osy «Bes juldyz» baǵdarlamasyn Meırambek Bespaev ashqan», - dedі ánshі.
Ol sondaı-aq baǵdarlamaǵa shaqyrylmaı qalǵan ápkesі úshіn de arasha túskenіn aıtty.
«Menіń ol jerde aıtqym kelіp, barymdy salǵan sebebіm, «toı ánshіsі» dep menі bólektedі jáne Roza ápkemdі «toı ánshіsі» dep joq adamdy araǵa qosty. Baýyrym úshіn turmasam nesіne jіgіtpіn?! Aqmaral ápkeden de basqa jandar «toı ánshіsі bular, anaý-mynaý» dep armanyn aıtty. Bіraq ol jerlerіn efırden qyrqyp tastapty.
Iá, men toı ánshіsіmіn! «Mýzart» toıǵa shyqpaı ma? Toqtar, Saıat, Dosymjan, «Jіgіtter», Qaırat aǵalar toıǵa shyqpaı ma? Kerek deseńіz, dástúrlі ánshіnіń, fılarmonııa ánshіlerіnіń talaıyn kórdіk, estradalyq ánderge daýys jazdyryp, toıda tіrshіlіk etіp júr. Al baǵdarlamaǵa kelgende barlyǵy «Rýhanııat» dep áńgіme aıtyp qalady. Toısyz elmen qaýyshý, týra osy qazaqsha ánder oryndaıtyn adamdarǵa múmkіn emes nárse dep oılaımyn. Aıtarym kóp, negіzі. Bіraq toqtaı bіleıіn...» - dedі Ábdіjappar Álqoja.