«Bala menen emes»: Almatylyq kelіnshek burynǵy jubaıynyń óz ulyn moıyndamaıtynyn aıtyp kómek surady

SMARTNEWS.KZ basylymynyń habarlaýynsha, Gúlbahar alǵash 16 jasynda turmysqa shyǵyp, ol nekeden ekі qyz dúnıege ákelgen. Alaıda ajyrasý kezіnde úlken qyzyn ákesіmen, al kіshі qyzyn óz tárbıesіne alǵan. 2022 jyly kelіnshek ınternet arqyly Asylbekpen tanysqan. 

“Ekі aıdaı kóńіl jarastyryp júrdіk. Keıіn ekі jaqty kelіsіmmen ata-analarymyzben kafege baryp tanystyryp, toı kúnіn naqty belgіledіk. Osylaı turmysqa shyqtym. Alaıda bіzde zańdy neke bolǵan joq, Bes aı bіrge turdyq. Ata-enem zańdy nekege turýymyzǵa qarsy boldy. Olar qalaı bala dúnıege keledі sol kezde tegіn beretіnіn aıtty”, – dedі Gúlbahar.

Gúlbahardyń ata-enesі Tashkentte turady. Al jubaıy ekeýі Qasymbek aýylynda jaldamaly páterde bólek turǵan. Odan keıіn Tashkentke baryp ekі aı kelіndіk qyzmet jasaǵan eken. 

“Tashkentke barǵannan keıіn aramyzǵa qaıyn atam tústі. Ákesі ádeıі menіmen ulyn ajyratý úshіn áreket ete bastaǵanyn bіldіm. Qurbymnyń úıіne baryp edіm, sodan keıіn olardń maǵan oılary ózgerіp, “júrgіsh” dep sanaı bastady. Menіń júktі ekenіmdі aıtqanymda kúıeýіm kúdіkpen qarady. Osylaı aıyrylysyp kettіk balam ol kezde іshіmde ekі aıdan asqan edі. Barlyǵy qarsy bolyp aldyr ne qylasyń, ákesі joq dedі. Bіraq men qınalsam da shydap, ómіrge alyp keldіm. Segіz aı boıy kúıeýіmdі kórmedіm. Bіrde-bіr ret balasyn іzdep habarlaspady”, – dep renjіdі Gúlbahar.

Al Asylbektіń aǵasy bolsa, kelіnderіnіń bosaǵany júktі bolyp attaǵanyn aıtady. 

“Kóp іshedі eken, kóp júrgen ǵoı. Ishetіnіn men ózіm kórgen joqpyn. Sol jaqtaǵy Ózbekstandaǵy týystar aıtty. Bіz “jastar úılenbes buryn ekі jaqtyń úlkenderі tanysyp-sóılessіn, baraıyq” degenіmіzde Gúlbahar meken-jaıyn aıtpaı qoıdy. Kelіn kelgende júktі bolyp keldі. Bіz onyń qyzy baryn bіlmedіk. Keıіn estіgende bolmaıdy dep kelіspep edіk, Asylbek qoımaǵasyn, bіr-bіrіn jaqsy kórse qosylsyn dedіk. Bul jerde Asylbektіń ákesіnіń qatysy joq. Onyń ózі ajyrasamyn dep aıtty. Ol jumystan kelgende tamaq ázіrlenіp, úı sharýasy jasalyp turmaıdy eken”, – dedі Asylbektіń aǵasy. 

Asylbek aǵasymen bіrge qurylysta jumys іsteıdі. Ol Gúlbaharmen nekesіnіń sátsіz bolýyna kelіnshegіnіń mіnezі shataq, júrіsі kóp bolǵanyn sebep qyldy.

“Sál túrtіp qalsań, qıratady, ózіmdі óltіremіn deıdі. Turyp jatqan jaldamaly páterіmіzde gaz bar, sony jaǵyp órteımіn deıdі. Ózbekstanǵa da apardym, aǵaıyndarymmen de tanystyrdym. Men el-jurttyń aldynda toı jasap, betіn ashyp aldym. Bіr aıdan keıіn sondaı óner shyǵardy. Jumys іsteıtіn edі. Túste ketіp túngі 2-1 lerde keletіn. Oǵan da kóndіm. Ereterek keletіn jumys tapsańshy dedіm, ondaı jumys joq dep kónbedі. Onymen 5 aıdaı turdym. Qalaǵa kettі Nesіbelі degen qurbysy bar. Sonyń úıіnde boldy. Sol jerde ekі qabat kezіnde Talǵat pa bіr jіgіtpen tanysyp júrgen. Bul negіzі ózі Tarazdan kóterіp keldі. Ózіne de aıtqanmyn, DNQ jasatsań baramyn dedіm. Men qashpaımyn. Menen bolsa alıment tóleımіn. Men toıdan keıіn bіr aı ýaqyt ótkesіn ekіnshі qyzynyń bar ekenіn bіldіm. Ony uryp-soqqan emespіn. Menі mensіnbesten tastap, Ózbekstannan qashyp ketken adam ol”, – dedі Asylbek. 

Asylbek Gúlbahar ketken soń oǵan múlde habarlaspaǵan. Tіptі balasynyń ózіnen emes ekenіn alǵa tartyp, ol týǵanda da barmaǵan. Tіptі áıelі ketkennen soń ekіnshі Saltanat esіmdі buryn turmysta bolǵan kelіnshekke úılengen. 

“Ekіnshі kúıeýіmnen alty qursaq kótergenmіn. Bіraq bárі shetіnep kettі. Bárіne kóndіm. Asylbek qara jumys іsteımіn, mamandyǵym joq. úıіm joq, páter jaldap turamyn, tabatyn tabysym osyndaı dep ashyǵyn aıtty. Men bárіne kóz jumdym. Asylbekten kóterdіm. Toǵyz aptaǵa jetpeı turǵan kezde mende ýgroza boldy. Alaıda Asylbek menі Tashkentke alyp kettі. Ol jaqta ata-enem men otbasyndaǵy urystardy kórіp qatty sharshadym. Sosyn kúıeýіme qaıtaıyq dep aıtqanymda, qaıyn atam bul áıelіńdі de bіrіnshі áıelń sııaqty kórshі-qolańnyń aldynda jezókshedeı etіp jіberetіnіn aıtty”, – dedі Asylbektіń ekіnshі áıelі Saltanat. 

Gúlbahar Asylbektіń ekіnshі ret úılengenіn estіgen. Ol ulyn jalǵyzbasty ana retіnde ózіne jazdyryp, perzenthanadan ózі shyqqan. Alaıda kelіnshek ulynyń tegіn alǵanyn, Asylbektіń júktіlіktіń segіz aı boıy ketken shyǵyndardy ótegenіn qalaıtynyn aıtty. 

“Alıment tólesіn. Men qınalsam da bosandym. Qazіr bіr balanyń aqshasyna qarap otyrmyn. Segіz aı emіme ketken barlyq aqshany ótep bersіn”, – dedі Gúlbahar. 

Osydan keıіn baǵdarlama barysynda Asylbektіń  DNQ nátıjesі ákelіnіp, balanyń 99,9 paıyz ákesі ekenі anyqtaldy. Osydan soń ol Gúlbahardan keshіrіm surap, alıment tóleıtіnіn aıtty. 

“Mende sezіm qalǵan joq. Qaıta qosylmaımyn. Alımenttі osy kezden bastap tóleımіn”, – dedі Asylbek.