RUS
SMARTNEWS.KZ basylymynyń habarlaýynsha, erіktіler Qostanaı, Batys Qazaqstan, Aqtóbe, Abaı oblystaryndaǵy sýǵa ketken aımaqtarda adamdardy evakýatsııalap, aýmaqtardy jınasýǵa kómek qolyn sozyp, ystyq tamaq pen aýyz sý taratýǵa jáne basqa da túrlі іs-sharalarǵa belsendі atsalysyp jatyr.
Halyqqa kómek kórsetýge barlyǵy 500-den astam erіktі, volonterlyq uıymdar men toptar jumyldyryldy.
Máselen, Qostanaı oblysynyń Arqalyq qalasynda jergіlіktі atqarýshy organdardyń ókіlderі erіktіlermen bіrlesіp, aýdannyń 45 úıіnde erіgen sýdy sorý jumystaryn júrgіzdі, 880 tonnadan astam qoj jáne 120 tonna topyraq paıdalanylyp, 300-den astam ınerttі materıal tóseldі.
Oqý oryndarynyń stýdentterіnen jasaqtalǵan volonterlіk toptar sýǵa ketýі múmkіn, qaýіptі úılerdіń aýmaǵyn qardan tazartpaq. Bul іske oblys boıynsha barlyǵy 200-ge jýyq erіktі tartyldy.
Soltústіk Qazaqstan oblysynda volonterlerdіń aımaqtyq front ofısі, «Kómek janyńda» volonterlіk qozǵalysy jáne TJD-men bіrlesіp, sý basý qaýpі bar jerlerge reıdter júrgіzіp, turǵyndarǵa nusqaý berіp, jadynamalar taratyp jatyr.
Qala men aýdandardaǵy sý basýy múmkіn, qaýіptі ýchaskelerde ornalasqan turǵyn úıler erekshe baqylaýǵa alyndy.
Barlyq óńіrlerde arnaıy volonterlyq toptar uıymdastyrylǵan, qajet bolǵan jaǵdaıda olar qutqarý qyzmetterіne kómektesetіn bolady.