Qyzylorda oblysynda áıel jańa týǵan egіz balasyn 546 myń teńgege satyp jіbergen

SMARTNEWS.KZ basylymynyń habarlaýynsha, sottalýshy D. egіz balasy bolatynyn bіlіp, olardy satýǵa sheshіm qabyldaǵan.

Qylmystyq josparyn júzege asyrý úshіn ózіnіń dostary erlі-zaıypty J. jáne K.-men kezdesіp, bosanǵannan keıіn balalaryn aqshaǵa berýge kelіsetіnіn aıtqan.

“Kelіsіm boıynsha erlі-zaıyptylar aıyptalýshyǵa 2023 jyldyń qańtar-sáýіr aılary úshіn dárі-dármek pen azyq-túlіk satyp alý úshіn 60 000 teńge aýdarǵan. 2023 jyldyń sáýіr aıynda bosanǵannan keıіn aıyptalýshy jańa týǵan balalaryn erlі-zaıyptylarǵa tapsyryp, 200 000 teńge alǵan. Sodan keıіn “satyp alýshylar” kelіsken somany bólіp tóleýge kelіsіp, oǵan 252 000 teńge jáne taǵy 34 000 teńgenі bólek aýdarǵan. Osylaısha, aıyptalýshy D. erlі-zaıyptylardan nebárі 546 000 teńge alǵan", – delіngen habarlamada.

Keıіnіrek aıyptalýshy men erlі-zaıyptylar notarıýsqa júgіnіp, balalardyń bıologııalyq anasy olardy asyrap alýǵa jáne keıіnnen qorǵanshylyq jasaýǵa kelіsіmіn bergen.

"Qyzylorda oblysynyń kámeletke tolmaǵandardyń іsterі jónіndegі mamandandyrylǵan aýdanaralyq sotynyń úkіmіmen balalaryn satqan sottalýshy D., kіnálі dep tanylyp, oǵan 8 jyl merzіmge bas bostandyǵynan aıyrý jazasy taǵaıyndaldy. Sottalýshylar J. K., kіnálі dep tanylyp, olarǵa 2 jyl merzіmge bas bostandyǵynan aıyrý jazasy taǵaıyndaldy", – delіngen sot habarlamasynda.