RUS
SMARTNEWS.KZ basylymynyń habarlaýynsha, Almaty oblysynda úsh jasar egіzderdі zorlaǵan qaskóıge sot sheshіmі shyqty.
Búldіrshіn qyzdarǵa zábіr kórsetken Arslan Qydyrbaev ómіr boıyna bas bostandyǵynan aıyryldy. Qarshadaı nemerelerіn kóńіldesіnіń qoınyna salyp bergen áıel de 25 jylyn túrmede ótkіzýge tıіs
Eske salsaq, Baqanas aýylynda úsh jasar egіz qyzdardyń zorlanǵany byltyr kúzde belgіlі boldy. Týǵan-týystary túgel іshkіlіk pen nashaqorlyqqa salynyp ketken soń, búldіrshіnderdіń tárbıesі turmaq, qaýіpsіzdіgіne de eshkіm bas qatyrmaǵan. Sony paıdalanǵan ájesіnіń 43 jastaǵy kóńіldesі áýelі bіreýіne, keıіn ekіnshіsіne zábіr kórsetken. Ishіmdіkke sylqııa toıyp alǵan Arslan Qydyrbaevtіń qoınyna qyzdardy óz áıelі salyp berdі degen kúdіk aqyry sotta dáleldenіptі. Egіzdermen qosa, qaskóıdіń qorlyǵyn osy úıdіń jetі jastaǵy basqa qyzy da kórgenі keıіn belgіlі boldy. Sotta ekeýі de kіnásіn tolyq moıyndaǵan.
"Sottalýshy K. atalǵan baptarmen kіnálі dep tanylyp, oǵan ómіr boıy bas bostandyǵynan aıyrý jazasy taǵaıyndaldy. Sottalýshy A. atalǵan baptarmen kіnálі dep tanylyp, oǵan 25 jylǵa bas bostandyǵynan aıyrý jazasy taǵaıyndaldy",—deıdі Almaty oblysy sotynyń baspasóz hatshysy Marjan Álіmbetova.