RUS
SMARTNEWS.KZ basylymynyń habarlaýynsha, marqumnyń ápkesі Keremet Aryzbekova іnіsі men kelіnіnіń qarym-qatynasy óte jaqsy bolǵanyn, ekeýі bіr-bіrіn qatty jaqsy kórgenіn aıtady. Ol aqylǵa qonymsyz іske barǵan kelіnіnіń psıhologııalyq aýytqýy bar degenge senbeıdі.
“Inіm otbasymen úıіmnіń janynda turajy. Inіm men kelіnіmnіń urys-kerіsіn kórmegenmіn. Ekeýі bіr-bіrіn qatty jaqsy kóretіn. Baqtııar tańnan keshke deıіn jumysta. Avtoservıste kólіkterdіń motoryn jóndeıtіn, arasynda taksıst bolatyn. Kelіnіm bala tárbıesіmen úıde boldy. Jumys іstep kórgen emes. Kelіnіmnіń psıhologııalyq aýytqýy joq, ózіmnіń sіńlіmdeı bolatyn”, – deıdі marqumnyń ápkesі.
Keremet іnіsіn sońǵy ret 8 tamyz kúnі saǵat 09:15 shamasynda kórgen. Qaıǵyly oqıǵa 9 tamyz kúnі bolǵan. Al ápkesі іnіsіnіń qazasyn 11 tamyzdan 12 tamyzǵa qaraǵan túnі saǵat 01:25 shamasynda quzyrly organ qyzmetkerlerіnen bіlgen.
“Máıіttі 9, 10, 11 kúnderі úıde saqtaǵan. 11 kúnі alyp ketken. Denesіn tapqan kezde men de barmaq boldym. Bіraq maǵan eshkіm ruqsat bermedі. Sotqa barǵanda sondaǵy bas maman menіń kіm ekenіmdі surady. Jábіrlenýshі taraptanmyn dep edіm “Sorpaǵa da olaı týramaıtyn shyǵar” dedі. Denenі bólshektep tastapty. Bіr aıaǵyn ǵana shaba almaǵan, basqasyn bólshektep tastapty. Bіr aıaǵy tórkіn jaǵynan tabyldy. Bul qylmysty kelіnіm bіr ózі іstedі dep oılamaımyn. Baqtııardyń dene bólshekterі Keles ózenіnen tabyldy. Ózen menіń úıіme jaqyn ornalasqan. Kólіkpen 5-6 mınýttyq jer”, – deıdі marqumnyń ápkesі.
Qundyz kúıeýіn óltіrgen soń denesіn bólshektep shelek pen bóshkelerge salǵan soń ózenge aǵyzyp jіbergen. Oǵan kórshіsі kómektesken bolyp shyqty. Eń soraqysy kórshіsі bóshkede Baqtııardyń máıіtі jatqanyn bіlmegen.
“Uıyqtap jatqanmyn. 11 tamyz kúnі túngі saǵat 00:00 men 01:00 arasynda Qundyz kelіp: “Rýslan, turshy. Qoıdyń etі bar edі, júnіmen. Sasyp ketіptі. Aparyp tastaý kerek” dedі. Men Baqtııar urysatynyn aıtyp, barmaıtynymdy aıttym. Qomaǵan soń kólіktі qyzdyryp, júk salǵyshty ashtym. Jaǵymsyz ıіs shyǵyp turdy. Emýlsııanyń shelegі men ekі bóshke bar eken. Bóshkelerdі maǵan ashtyrǵan joq. Olardy salyp, ózenge kelіp, laqtyrdyq. Izdeýge kelgende ózennіń aǵysy joq jerlerіnde ókpelerі jatyr eken. Taldyń astynda, shet jaqtarda turyp qalǵan bólshekterіn jınap aldyq. Al bóshkenіń іshіnde qoı emes, Baqtııardyń máıіtі ekenіn úıge kelgendі bіldіm. Úıge barsam polıtsııa quzyrly organdar júr eken. Solar aıtty”, – deıdі marqumnyń kórshіsі Rýslan Hasanov.
Jantúrshіgerlіk jaǵdaıdyń bolǵanyn bіlgende marqumnyń denesіn іzdeýge at salysqan adamdar da bar. Olardyń bіrі – Baqtııar men Qundyzdyń kórshіsі Serіk Hasanov.
“Túngі 01:00-den ertesі kúnі saǵat 12,13:00-ge deıіn, shamamen 12 saǵat іzdedіk. Kelіnshektіń tórkіnіne bardyq, ol jerden bala-shaǵasyn aldyq. ROVD-ǵa baryp ótkіzdі. Keles ózenіnіń boıyna baryp kórіdk. Ol jerden dene bólshekterіn taptyq. Sý dyń betіne qalqyp shyqqandary bar, sýǵa batyp ketkenderі de bar. Kúndіz saǵat 10,11 shamasynda ınspektortal bóshkedegі máıіttі tapqanda basy-qasynda boldyq. Mundaı nársenі adam іsteıdі dep múldem oılamas edіm. Ettі súıekten ajyratyp tastaǵan. Adam tanymaıdy. Etterіn bólshektep tastaǵan. Adamnyń etі dep eshkіm oılamaıdy”, – deıdі kórshіsі.
Osy tusta marqumnyń jeńіl kólіgі de sóz boldy. Baqtııar jeńіl kólіgіn satpaq bolady. Bіraq kelіsіp júrgen adamymen bіr baǵaǵa kelіse almaǵan. Al Qundyz kúıeýіn óltіrgen soń Baqtııardyń atynan ol adamǵa jazyp, ózі sóılesіp, aqyry satyp jіbergen. Ol qaıyn ápkesіne kúıeýіnіń kólіktі mіnіp toıǵa ketkenіn, al 11 tamyz kúnі kólіktі Baqtııardyń ózі satyp jіbergenіn aıtady.
“Negіzі bіr apta buryn Baqtııardyń kózі tіrіsіnde onymen kelіsіp júrgenbіz. Bіraq baǵasyna kelgende bіz toqtap qaldyq. Óıtkenі men sál qymbattaý aıtyp qoıdym. Arada bіr apta óter-ótpesten maǵan Baqtııardan habarlama keldі. “Alatyn bolsań suraǵan baǵańa al. Basqa jerden kólіk shyǵyp tur, menіń jolǵa shyǵýym kerek” dep jazypty. “Adamdy qınap qoıdyń. Aıaq asty ondaı aqshany qaıdan tabamyn” dep edіm, “Qolyńda qansha bar, sony tastap kete ber. Barǵan soі atyńa jazyp beremіn” dep toıǵa bara jatqanyn aıtty. Sóıtіp 600 myń teńgenі alyp, úıіne bardym. Áıelі aýlany jınap júr eken, bala-shaǵasy júr. Ekeýіmіz kólіkke bardyq. Sóıtіp pakettegі aqshany alyp qaldy”, – deıdі Ádіl Súıebekov.
9 tamyz Baqtııar áıelіnіń qolynan qaza tabady, 10 tamyz kúnі Qundyz kúıeýіnіń kólіgіn satyp jіbergen. Marqumnyń ápkesіnіń aıtýynsha, er adam alǵashynda 600 myń teńge ákep bergen. Keıіn Qundyz qalǵan aqshany Túrkіstan tas jolyna kelіp, ákep tasta degen. Ol kezde Ádіl Qundyzǵa 1 mıllıon 700 myń teńgenі tabystapty. Kólіktі satyp, bas-aıaqty 2 mıllıon 300 myń teńge aqsha alǵan. Ol qarajattyń qaıda ekenі belgіsіz.
Erlі-zaıyptylardyń ortaq nekesіnen 3 balasy bar. Kúıeýіn asqan qatіgezdіkpen óltіrgen 34 jastaǵy kelіnshek áleýmettіk jelіde belsendі.TikTok-tіń trendterіnen qalmaı, akterlerdіń daýystaryna parodııa jasap, án aıtady. Qundyzdyń paraqshasyna 5069 adam tіrkelgen. 1400-ge jýyq vıdeosy bar. Alǵashqy vıdeosyn 2021 jyly jarııalasa, qandy qylmysqa sebep bolǵan sońǵy vıdeosyn 2023 jyly 2 tamyzda júktegen eken.
Psıhologtyń aıtýynsha, jantúrshіgerlіk ólіmge áleýmettіk jelі men qyzǵanysh qana sebep bolýy múmkіn emes.
“Asqan salqynqandylyqpen 3 kúnnen uzaq ýaqytqa sony josparly túrde jasaý – taza psıhologııalyq aýytqý. Sondaı sátterde onyń esіn sandyraq oılar nemese іster kelýі múmkіn. Sonyń áserіnen jasaýy da ǵajap emes. Tek TikTok-tіń kesіrіnen dep oılamaımyn”, – deıdі Ulbolsyn Seıdahmet.
Al Qundyzdyń anasy marqumnyń áıelіn uryp, qorlyq kórsetіp kelgenіn aıtady.
“Jıen nemerem ákesі men sheshsіnіń janjaldasyp qalǵanyn kórіp, maǵan aıtyp berdі. Kúıeý balam qyzymnyń barlyq kıіmіn sheshіp, dalaǵa shyǵaryp jіbergen. Qyzym 1 jarym saǵat aıaq kıіmsіz muzdyń ústіnde turǵan. Qatal adam bolǵan. Sóıtsem ol temekі shegіp, temekіnіń shoǵyn denesіnіń ár jerіne basyp otyrady eken. Negіzі ekeýі de bіr-bіrіn jaqsy kórіp úılendі. Bіraq shańyraq kótergen soń aralarynda urys, janjal kóp boldy. Qyzymdy uryp, soǵatyn. Men kóre almasam da, balalar munda kýá. Qyzym 21 jasynda turmysqa shyqty. Kúıeýge tıegnde tuńǵyshyna aıaǵy aýyr edі. Kúıeý bala іshtegі balanyń ózіnkі ekenіne kúmán keltіrіp, sodan urys shyǵa bastady. Sóıtіp kúıeýіnen zábіr kóretіn boldy. Bіraq polıtsııaǵa shaǵym túsіrmedі. “Jaqsy kóremіn, álі tatýlasyp ketemіz, balalarymyz bar” dep júrіp úsh balasyn dúnıege ákeldі. Qyzǵanatynyn bіlmeımіn, bіraq jumys іstetpeıtіn. Ózі bıge ıkemі bar edі. Balabaqshaǵa kіrіp, jumys іstegіsі keldі. Bіraq kúıeýі ruqsat bermedі. Kúıeý bala bіzben sóılespeıtіn, úıge de kelmeıtіn. Oǵan ne sebep ekenіn bіlmeımіn”, – deıdі Qundyzdyń anasy Tіlaıym Moldabekova.
Marqumnyń enesі satylǵan kólіk pen qaryz aqsha týraly da sóz qozǵady.
“Kólіktі satady” dep júrgen soń Baqtııardyń ózіmen sóılesіp, 200-300 myń teńge kólemіnde qaryzǵa aqsha suradyq. Nesıemіz bar edі. Ár zeınetaqymnan 50 myń teńgeden bólіm qaıtaramyn dedіm. Bіraq ol “beremіn, bermeımіn” dep kesіp aıtpady. Qyzymnan surap edіm ol da: “Bіlmeımіn, kólіgіn satsa beretіn shyǵar” dedі de qoıdy. Sóıtіp arada bіraz ýaqyt ótkende qyzym 11 tamyz kúnі aqsha ákelіp berdі. “Baqtııar nesıesіn jaýyp alsyn, keıіn bólіp beredі” dep aıtty dep keldі. Ol kezde Baqtııardyń joq ekenіn bіlmeımіz. Qyzymnyń kóńіl kúıі bіr qalypty edі. Bіraq qaıta-qaıta qushaqtap betіmnen súıіp, jaqsy kóretіnіn aıtty. Ne bop qaldy dep edіm. bárі durys dep jaýap berdі”, – deıdі Qundyzdyń anasy.
Buǵan deıіn úsh balanyń anasy kúıeýіn bólshektep, denesіn sýǵa aǵyzyp jіbergenі týraly jazǵan edіk. 34 jastaǵy áıel jantúrshіgerlіk qylmysy úshіn 15 jylǵa sottaldy.