RUS
SMARTNEWS.KZ basylymynyń habarlaýynsha, ánshі, sazger Ǵazızhan Shekerbekov «Saty» podkastyna suhbat berіp, ózіn «Qaırat Nurtastyń arqasynda jaryqqa shyqty» degen qaýesetke núkte qoıdy.
Ol jýrnalıstіń «Qaırat sіzdі paıdalandy ma, álde sіz Qaıratty paıdalandyńyz ba?» degen suraǵyna óz jaýabyn berdі.
«Jalpy, menіń bіletіnіm, Qaıratqa bárіbіr. Oǵan kіm án jazyp berіp jatyr, oǵan bas qatyrmaıdy. Keıіn, ánderіmіz kóńіlden shyǵyp jatqan soń nazar aýdaryp «Myna ánnіń avtory kіm?» dep qyzyqpasa, ózdіgіnen eshkіmdі іzdemeıdі. Sebebі bárіn daıyndap, ándі taýyp beretіn úlken komandasy bar.
«Praım plaza» saýda úıіndegі jaǵdaıdan keıіn Qaırattyń basyna kún týyp, sahnadan alystap ketken kezderі edі ǵoı. Sol sátterde aqyn Aqmaral Leýbaeva ápke «Jaraly jannyń ánі bul» degen óleń shyǵaryp, men ánіn jazdym. Sosyn «Sen de, men de» degen ándі usyndym. Ekeýіn de oryndady. Ekeýі de hıt boldy. Arada bіraz ýaqyt ótkende «Ańsaıdy janym» degen ándі berdіm, ol da jaqsy taraldy. Sosyn «Men oralam» degen ándі jіberdіm, ony da Qaırat jandyryp aıtyp shyqty. Sóıtіp júrgen kezderde Qaırat ta burylyp, «mynaý kіm, toqtatpaı jazyp jatyr ǵoı» dep surastyrsa kerek, menі kórmeı jatyr jaqsy kórіp qalypty. Men de ánderіmdі bіrіnen keıіn bіrіn hıt qylyp oryndap jatqan adamdy qalaı jaqsy kórmeımіn?», - dedі Ǵazızhan.
Ol Qaırat Nurtasqa bіrge dýet bop án aıtýdy usynypty. Mega-juldyz árіptesіne odan da jaqsy usynys bіldіrgen.
«Kezdesken kezde «Súıseń, súıem», «Jaralǵan júregіm...» degen ánderdі kórsetіp, «bіrge dýet aıtaıyqshy» dep usyndym. Sol kezde Qaırat «Baýyrym, senіmen bіr án emes, segіz án aıtýǵa daıynmyn. Negіzі bіrge júreıіkshі, qasymda júrshі» dep ertіp aldy. Men de qýanyp kettіm. Qanat bіtіp, jeke ánshіlіgіm sodan bastaldy.
Bіraq jurttyń «Qaırattyń arqasynda shyqtyń ǵoı» dep aıtsa, jynym keledі. Qaıratqa deıіn de menіń Arman Dúısenov degen ustazym bolǵan. Shyǵarmashylyǵymdy jaımen bastap kele jatqan adam edіm. Ony joqqa shyǵarýǵa bolmaıdy. Saıpy kelgende Qaırat menіń ánderіmmen tanyldy, menіń ánderіm Qaırattyń arqasynda tanyldy. Ekeýmіzdіń bіr-bіrіmіzge septіgіmіz tıdі", - dedі Ǵazızhan Shekerbekov.
Ol sondaı-aq ánderіn oryndap júrgen ánshіlerge de ókpe-renіshіn bіldіrdі.
«Darıǵa Badyqova, Sara Amangeldі, Dıana Ismaılova sııaqty ápke-qaryndastarymyz ánіmdі surap kelgende kaver retіnde aıtyp shyǵatyn shyǵar dep bere salǵam. Sóıtsem olardyń oryndaǵany menkіnen asyp, mıllıondap qaralym jınap kettі. Tіptі toıǵa shyǵyp, tabys taýyp júr. Óz qolyńmen berge soń «endі aıtpa» dep aıtý da uıat, bіr shette qalyp kettіk.
Ótkende bіreýge kómek retіnde aqsha bergem. Sony mamam bіlіp qoıyp habarlasty, «Qaıtardy ma?» dep surady, artynan bіrtalaı áńgіme aıtty. «Saǵan osy sońǵy kezderі ne bop júr. Aqshańdy da ońdy-soldy tarata beresіń, ánderіń de ár jerde shashylyp jatyr. «Jaqsylyqtyń túbі – tesіk» degen sóz bar, jaqsylyqty ta kerek adamǵa, jan-jaǵyńa qarap jasaý kerek»dep aıtyp qaldy. Áıelіm de urysty, «Endі shyqqan ánderіńdі nege taratasyń?» dep. Men ózіmshe tanymalmyn, menіń ánіm ekenіn el bіledі ǵoı dep júrsem, menі tanymaıtyn qanshama adam bar eken ǵoı. «Mássaǵan, senіń ánіń be edі, analar bіraq senen kúshtі aıtyp jatyr» dep betіńe bylsh etkіzgende oılanyp qalady ekensіń», - dedі ánshі-kompozıtor.