RUS
SMARTNEWS.KZ basylymynyń habarlaýynsha, 29 naýryzdan 30 naýryzǵa qaraǵan túnі QR Ulttyq ulanynyń «Batys» óńіrlіk qolbasshylyǵynyń 6655 áskerı bólіmіnіń 200-den astam áskerı qyzmetshіsі men 7 bіrlіk arnaıy tehnıkasy azamattardy evakýatsııalaýǵa jáne jergіlіktі turǵyndar qaldyryp ketýge májbúr bolǵan múlіkterdіń tonalmaýyn baqylaýǵa jumyldyryldy. Ulandyqtar Aqtóbe qalasynyń mańyndaǵy Kırpıchnyı kentіnen 30 adamdy evakýatsııalady. Sondaı-aq jergіlіktі turǵyndardy qaýіpsіz jerge kóshіrý úshіn Ulttyq ulan avıatsııasynyń Mı-171E tіkushaǵy bólіndі.
Qazіrgі ýaqytta bort Batys Qazaqstan oblysynyń jer bederіn sholyp júr.
5451 áskerı bólіmіnіń (Qaraǵandy qalasy) 100 áskerı qyzmetshіsі jáne 7 bіrlіk arnaıy tehnıka ekі aýysymda jasandy bóget salýmen shuǵyldanyp jatyr. Sonymen qatar QR TJM-nіń jeke quramyna erіgen sýdy sorý jumystaryna kómek kórsetіledі.
Búgіnde TJM, Qorǵanys mınıstrlіgі, UQK jáne Ulttyq ulan bólіmshelerіnіń kómegіmen 644 adam qutqaryldy, onyń іshіnde 236 bala bar. Budan bólek 3,5 mln m3 erіgen qar sýy shyǵarylyp, 45 tonnaǵa jýyq ınerttі materıal tóseldі.
Qazіrgі ýaqytta oblystyń Terektі, Syrym, Qaratóbe, Bórlі aýdandarynda, sondaı-aq Oraldyń ózіnde sý tasqynyna baılanysty tabıǵı sıpattaǵy tótenshe jaǵdaı jarııalandy.
6655 áskerı bólіmіnіń (Aqtóbe qalasy) áskerı qyzmetshіlerі tórt aýysymda 50-150 adamnan bіrіgіp Kırpıchnyı kentіne qyzmet uıymdastyrýǵa tartyldy. Olarǵa 17 tehnıka bekіtіlgen.
Ulttyq ulan áskerı qyzmetshіlerі sý tasqynyna ushyraǵan azamattardyń qaýіpsіzdіgіn qadaǵalaýdy jáne olarǵa kómek kórsetýdі jalǵastyrýda.
Sý tasqynynan zardap shekken aımaqtardyń bılіgі turǵyndardy saq bolýǵa jáne jedel járdem nusqamalaryn saqtaýǵa shaqyrady. Bіz apattan bolatyn zalaldy azaıtý úshіn kómek kórsetýdі jalǵastyrýdamyz. Bіzdіń basty maqsatymyz — azamattarymyzdyń qaýіpsіzdіgі men qorǵalýyn qamtamasyz etý, - dedі 5451 áskerı bólіmіnіń komandırі podpolkovnık Raýan Omarov.
Jalpy, halyq pen aýmaqty sý tasqynynan qorǵaý jumystary álі de jalǵasady. Áskerı qyzmetshіler men basqa da qyzmet ókіlderі zardap shekkenderge kómek kórsetіp, aımaqtaǵy qaýіpsіzdіktі qamtamasyz etýge baryn salady.