"Shatyrdyń, shóptіń ústіnde otyrmyz". Aqtóbe oblysynda bіr aýyl sý astynda qaldy

Turǵyndar qazіr aýyldaǵy ekі qabatty mekteptі panalap otyr. Alaıda mekteptіń de jertólesі de sýǵa tolǵan.

"Tús mezgіlіnde aýylǵa sý kіrdі. Lap qoıǵan tasqyn aýyldy túgel alyp kettі. Qazіr turǵyndardyń bіr bólіgі, bala-shaǵa mekteptі panalap otyrmyz. Syrtta qalyp qoıǵandar bar. Bіreýlerі shatyrdyń ústіnde, shóptіń ústіnde otyr. Olar jerge túse almaıdy. Jerdіń bárі telegeı teńіz. Álі kómek kelgen joq. Baǵana tіkushaq keldі, bіraq qona almaı ketіp qaldy. Tótenshe jaǵdaıdyń ekі adamyn túsіrіp kettі. Qazіr ne іsteremіzdі bіlmeı otyrmyz? Mal qaraýsyz qaldy. Gaz joq, kúnі boıy jaryq ta bolmady. Mіne, jańa ǵana keshke motormen qosty-aý deımіn, jandy. Bіzge kómek kerek, tamaq joq", - dedі aýyl turǵyny Elaman Ótemsіov.

Shyǵanaq Bersıev atyndaǵy mektep dırektory Gúlden Maksımova mektepke 450 adam ornalastyrylǵanyn aıtty.

"Aýylda saý úı qalmady. Syrtta júzge jýyq er-azamat qaldy. Halyqqa dárі-dármek, tamaq kerek. Eshqandaı kómek bolmaı tur. Baılanys júıesі úzіldі. Mekteptіń ekіnshі qabatyna shyǵyp, jan-jaqpen habarlasyp otyrmyz", - dedі mektep dırektory.

Sý ortasynda qalǵan turǵyndara ýylǵa kómek jіberýdі suraıdy.

Al oblystyq tótenshe jaǵdaı departamentі qutqarý qyzmetіnіń jumyldyrylǵanyn habarlady.

"29 naýryz kúnі  Oıyl aýdany Shyǵanaq Bersıev aýyldyq okrýgі Qaratal aýyly erіgen sýdyń jınalýyna jáne Oıyl ózenіnіń deńgeıіnіń kóterіlýіne baılanysty aýyldy sý basty. Shyǵanaq Bersıevtegі evakýatsııalyq pýnktіde 246 adam, onyń іshіnde 117 bala bar. Tótenshe jaǵdaılar departamentіnіń kúshterіmen adamdardy evakýatsııalaý jumystary júrgіzіlіp jatyr. Sondaı-aq Talǵat Bıgeldınov áýe qorǵanysy kúshterі áskerı ınstıtýtynyń tіkushaǵy jumyldyryldy" - dep habarlady tótenshe jaǵdaılar departamentіnіń baspasóz qyzmetі.