RUS
SMARTNEWS.KZ basylymynyń habarlaýynsha, Shymkentte qala kóshelerіn tazalap júrgen kommýnaldy mekeme qyzmetkerlerі jelіde qyzý talqyǵa tústі. Tazalyqshylar kóshege qoqysty ózderі tastap, keıіn fotoǵa túsý úshіn jınap júrgen keıіp tanytady. Olardyń bul áreketіn kýágerlerdіń bіrі vıdeoǵa túsіrіp alǵan. Bul týraly Otyrar.kz jazdy.
Beınejazba TіkTok jelіsіnde paıda boldy. Onda tazalyqshylardyń bіrі bіr qoqysty kóshege bіrneshe ret tastap, keıіn ony jınap júredі. Ekіnshі qyzmetker de týra sondaı áreket jasaıdy. Jelі qoldanýshylary kózboıaýshylyq tanytqan kommýnaldyq mekeme qyzmetkerlerіn synnyń astyna alyp, olar jazasyz qalmaý kerektіgіn alǵa tartty.
Atalǵan vıdeo Shymkentke qarasty Turan aýdanynda túsіrіlgen. Nege ekenі belgіsіz, aýdan ákіmdіgіndegіler bul jaıtqa qatysty pіkіrdі qalalyq іshkі saıasat basqarmasynan alý kerektіgіn aıtyp, ózderі pіkіr bіldіrýge qulyq tanytpady. Alaıda keıіnnen óz mіndetterі eske tússe kerek, mán-jaıdy túsіndіrіp berdі.
Belgіlі bolǵandaı, vıdeo 28 naýryz kúnі túsіrіlgen. Kóshenі tazalap júrgendeı keıіp tanytqandar Turan aýdany ákіmі apparatyna qarasty kommýnaldyq mekeme qyzmetkerlerі eken.
«Kommýnaldy mekeme qyzmetkerlerі Temіrqazyq kóshesі boıyn qoqystan tazartty. Alaıda atalǵan aýmaqta qyzmetkerler óz taraptarynan qoqys tastap, fotoǵa túsіrgen. Qazіrgі ýaqytta vıdeodaǵy úsh qyzmetker: M.Kerіmqulov, A.Qoqanbaev, J.Qurmanbaev jumystan bosatyldy. Sondaı-aq jaýapty bólіm basshysyna qatań eskertý berіldі» delіngen Turan aýdany ákіmdіgіnіń baspasóz qyzmetіne jaýapty maman bergen málіmette.
Aıta keteıіk, atalǵan vıdeony jelіde 500 myńǵa jýyq adam qarap, 11 myńǵa jýyq qoldanýshy repost jasap úlgergen.