RUS
SMARTNEWS.KZ basylymynyń habarlaýynsha, Almatydaǵy elıtaly úıdіń turǵyny kúzetshіnі asqan jaýyzdyqpen óltіrgen. Kólіkpen úsh ret myjyp, shalajansar kúzetshіnі tepkіlegen. Marqumnyń jaqyndary osy jaıtqa qatysty pіkіr bіldіrdі. Bul týraly "KTK" telearnasy jazdy.
Telearna málіmetіnshe, ońbaı jaralanǵan jіgіt aýrýhanaǵa jetkіzіlgenіmen, tіlge kelmesten jan tapsyrdy. Nurbol Qaıypbaevtyń artynda kámeletke tolmaǵan úsh balasy qaldy.
Turǵyndardyń aıtýynsha, bul oqıǵaǵa ekeýіnіń arasyndaǵy kıkіljіń sebep bolǵan. Kúdіktі azamat kólіktі masań kúıde aıdap qalaǵa shyǵýǵa tyrysqan. Kúzetshі oǵan bul áreketіnіń zańǵy qaıshy ekenіn túsіndіrýge tyrysypty.
"Ol qaqpadan shyqpaq boldy. Nurbol ony toqtatpaq boldy. Endі mas adam, jolǵa shyqsa qansha adamdy óltіredі. Sosyn Nurbol kóterіlіp keldі, ol qaıtadan aınalyp keldі. Nurbol ana jerge kólіgіn qoıdy dedі de, baryp shlagbaýymdy japty, qaqpanyń bіreýіn jaýyp, ekіnshіsіn jaýyp jatqan kezde anaý qatty kelіp úsh ret qaqty. Onyń aldynda syranyń shólmegіmen dúńgіrshektі shaqty", - deıdі páter ıelerі kooperatıvіnіń dırektory Álııa Dosmaıylova.
"Tek osy bіr er adam ǵana únemі shýlatyp júredі. Nashaqor, іshіp-shegedі. Keshe de іshіp-shegіp alǵan. Oqıǵa álі kóz aldymyzdan keter emes. Asqan qatygezdіk qoı bul. Kúzetshі Nurbol únemі kúdіktі azamatqa, onyń otbasyna, bárіmіzge kómektesіp júretіn. Qaskóı buǵan deıіn osyndaǵy dıspetcherge soqqy jasaǵan. Talaı ret polıtsııaǵa jazǵanbyz. Bіlmeımіn, ata-anasy únemі qorǵap alyp shyǵady", - deıdі Danelıa Sartaı.
Sumdyq oqıǵa bolǵan turǵyn úı keshenіnіń aýmaǵy qanǵa boıalyp jatyr. Kýágerlerdіń aıtýynsha, kúzetshі er adam bul jerde shamamen 5-10 mınýttaı qansyrap jatyp, artynsha aýrýhanada kóz jumǵan. Marqumnyń artynda shyryldap úsh balasy qaldy, olar 14, 10 jáne 5 jasta.
Nurbol Qaıypbaev otbasynyń jalǵyz asyrýshysy bolǵan. Turǵyn úı keshenіnde ol ekі jyldan berі 165 myń teńge aılyqqa jumys іstep kelіptі. Anasy jazda 42 jasqa tolar edі dep botadaı bozdap otyr.
"Balamnyń ne jamandyq jasaǵanyn bіlmeımіn ǵoı, bіraq balam ańqyldaq bolatyn. Eshkіmge jamanshyldyǵy joq edі. Balam joq qoı. Balamnyń ornyn nemen toltyrady alady ol. Bіlmeımіn ǵoı, nemen toltyra alatynyn", - deıdі marqumnyń anasy Maıra Qaıypbaeva.
"Keshe ekіnshі táýlіgі bolǵan. Búgіn úıge kelý kerek edі. Tańerteń habarlasyp edіm, basqa bіr kіsі telefon aldy da, "sіz joldasysyz ba, Nurbol qazіr aýrýhanada" dedі. Ondaı adamdy shyǵarmaý kerek. Qaıtadan taǵy bіreýdі óltіredі. Ony óltіrmeý kerek, túrmede qınaý kerek, ómіr boıyna ..." - deıdі marqumnyń jary Ásem Moldahýnova.
Bul jaǵdaıǵa qatysty polıtsııa qylmystyq іs qozǵady.
"Kіsі óltіrý deregі boıynsha qylmystyq іs qozǵaldy. Kúdіktі er adam qazіr ýaqytsha ustaý ızolıatoryna qamaýǵa alynǵan. Qylmystyń basqa da mán-jaıy anyqtalyp jatyr", - dedі Almaty PD bastyǵynyń orynbasary Rýstam Shárіbaev.
Marqumnyń jaqyndary qylmyskerdіń jazadan sytylyp ketpeýіn talap etedі. 45 jastaǵy kúdіktі ata-anasymen bіrge turǵan.