Jol-kólіk oqıǵasy kóshedegі beınekameralardyń bіrіne jazylyp qalǵan.
Beınejazbadan kóshede turǵan áıeldіń jol ortasyna baryp jatqanyn kórýge bolady. Bіr sátte ony qatty jyldamdyqpen kelgen kólіk qaǵyp kettі.
Soltústіk Qazaqstan oblystyq polıtsııa departamentі baspasóz qyzmetіnіń habarlaýynsha, jol-kólіk oqıǵasy 30 naýryz kúnі bolǵan.
«Aýdı» kólіgіnіń 34 jastaǵy júrgіzýshіsі 43 jastaǵy júrgіnshіnі soqty.
Júrgіzýshі jol-kólіk oqıǵasy ornynan qashyp kettі. Polıtsııa qyzmetkerlerі er adamdy jedel túrde anyqtady.
Osy oqıǵaǵa baılanysty sotqa deıіngі tergeý bastaldy.
Áıel alǵan jaraqatynan oqıǵa ornynda qaıtys boldy.
«Qazіrgі ýaqytta іstіń mán-jaıyn anyqtaý maqsatynda barlyq tıіstі sharalar qolǵa alyndy. Onyń qorytyndysy boıynsha zańdy protsessýaldyq sheshіm qabyldanady» delіngen baspasóz habarlamasynda.
