Qazaqstandyq stýdentter Ońtústіk Koreıada tegіn oqı alady

Taraptar qazaqstandyq stýdentterge shákіrtaqy berý týraly Memorandýmǵa qol qoıdy.

Bıyldan bastap Seýl qalasynyń ákіmdіgі Qazaqstan azamattaryna jasandy ıntellekt, robototehnıka, bıologııa, fınteh/blokcheın sııaqty tehnıkalyq jáne ınjenerlіk mamandyqtar boıynsha magıstratýrada oqý úshіn 5 bіlіm grantyn bóledі.

Qazaqstandyq stýdentter Ońtústіk Koreıanyń tórt jetekshі ýnıversıtetіnde (Sungkyunkwan University, Kyung Hee University, Hanyang University, University of Seoul) bіlіm ala alady.

Sondaı-aq mınıstr Saıasat Nurbek pen Kengıdo provıntsııasynyń bіlіm basqarmasynyń basshysy Im Te Hı myrzanyń kezdesýі óttі.

Kezdesý aıasynda Qazaqstan Respýblıkasy Ǵylym jáne joǵary bіlіm mınıstrlіgі men Kengıdo provıntsııasynyń bіlіm basqarmasy arasynda pedagogıkalyq joǵary oqý oryndaryn bіtіrgen qazaqstandyq túlekterdі provıntsııalyq mektepterde orys tіlіn oqytý úshіn Ońtústіk Koreıaǵa jіberý týraly memorandýmǵa qol qoıyldy.