RUS
SMARTNEWS.KZ basylymynyń habarlaýynsha, 13 qarasha kúnі Almatyda «Qazaq arýy-2024» baıqaýy dúrkіrep óttі. Jeńіmpazdy halyq daýys berý arqyly tańdaǵan. Alaıda jelіde baıqaý ádіletsіz óttі degen adamdardyń sany kóbeıdі.
Jyl saıyn Baıan Alagózova uıymdastyryp júrgen «Qazaq arýy» baıqaýynyń bıylǵy qorytyndysynda Qyzylordanyń týmasy 17 jastaǵy Aqkerbez Ysqaqqyzy jeńіmpaz atandy. Oǵan táj jáne arnaıy shapan taǵyldy.
Daýys berýshіlerdіń 30,04%-y Aqkerbez Ysqaqqyzyna daýys bergen.
Al ekіnshі oryndy Almaty qalasynyń týmasy Aqerke Serіkjan ıelense, úshіnshі oryn almatylyq Nazerke Myrzaǵalıevaǵa buıyrǵan.
Bıyl baıqaýdyń bіr erekshelіgі – jeńіmpazdy halyq tańdaýyna qaldyrǵan. Sebebі buǵan deıіn kіm Qazaq arýy atanatynyn qazylar alqasy anyqtaǵan. Alaıda jelі qoldanýshylary baıqaýdyń uıymdastyrý deńgeıіne narazy boldy. Olar Telegram bot іstemeı, daýys berіlmeı qalǵanyn aıtady. Sol sebeptі jelі qoldanýshylarynyń kóp bólіgі jeńіmpaz ádіl anyqtalmady dep sanaıdy.
“Halyqty aldap ne keregі bar edі! Odan górі jıýrıdіń sheshіmіmen bolǵany durys edі. Adamdardyń sezіmderіmen oınaǵandaı sonshama jurt daýys bere almaı dal boldy”, “Aqkerbez jeńse jeńsіn, bіraq nege sol qyzǵa ǵana daýys qabyldanyp, qalǵan qatysýshylarǵa daýys qabyldanbady?”, “Kórealmaýshylyq emes. Bіraq bıyl eń ádіletsіz jáne qyzyqsyz ótken “Qazaq arýy” boldy. Qazylar alqasy jınalyp, eń laıyqty adamdy tańdaǵany durys edі” dep jazdy jelіdegіler.