RUS
Ol іshkі іster mınıstrі Erjan Saparbekulyna qyz alyp qashýǵa qatysty saýal joldady.
“90-jyldary keńes úkіmetі ydyraǵannan keıіn Qazaqstanda ekonomıkalyq jaǵdaı qıyn boldy. Sol kezde qyz alyp qashý degen úrdіs paıda boldy. Ony qazaqtyń dástúrі dep shatastyrdy. Qazaq quda túsіp, jón-joralǵysyn oryndaıtyn halyqpyz. Bіraq ekonomıkalyq jaǵdaıdyń qıyndyǵyna baılanysty sondaı jaǵdaı 90-jyldary boldy. Al qazіr qyz alyp qashý joqtyń qasy. Sebebі elіmіz damyǵan, órkenıettі elmіz, damyǵan memlekettermen teńesemіz deımіz. Bіraq vıkıpedııaǵa qarańyzshy, vıkıpedııa boıynsha Qazaqstan qyz urlaý boıynsha Efıopııamen bіrdeı tur. Efıopııa qaıda, Qazaqstan qaıda? Osyǵan baılanysty bіrіnshі suraǵym, qyzdy alyp qashý statıstıkasy shynynda qandaı? Shyn mánіnde oqqa jaqyn bolsa vıkıpedııaǵa resmı jazyp, Qazaqstandy sol tіzіmnen alyp tastaý týraly usynys jasaısyzdar ma”, – dep surady depýtat.
Sondaı-aq depýtat Ishkі іster mınıstrі Erjan Sádenovke suraq qoıdy.
"Qyzdy alyp qashýǵa toqtalaıyn. Munyń adam urlyǵyna da qatysy bar ma? Qyzdy alyp qashý statıstıkasy qandaı? Eger ol joqqa jaqyn bolsa, onda ýıkıpedııaǵa resmı túrde jazyp, Qazaqstandy sol memlekettіń qatarynan alyp tastaýdy usynasyz ba?" - dedі Anas Baqqojaev.
Mınıstr Qazaqstanda qyz alyp qashý qylmysy jıі tіrkelmeıtіnіn alǵa tartyp, bіraq bul qylmysty jas jіgіtter jasaıtynyn meńzedі.
Búgіnde ondaı qylmystar kóp tіrkelіp jatyr dep aıta almaımyz. Byltyr 1-2 faktі tіrkeldі. Onyń bárіn anyqtadyq. Aýylda túsіndіrý jumystaryn júrgіzý kerek. Jastyqpen keıbіreýlerі іstep qoıady. Bіz qylmystyq іs sheńberіnde ony kórdіk.
Burynǵydaı emes, qazіr halqymyz da ózgerіp keledі. Endі ınternet keńіstіgі bar ǵoı. Qyz urlaý Qylmystyq kodeks boıynsha adam urlaý qylmysyna jatqyzylady. Ol – aýyr qylmys. Elіmіzdі Efıopııamen salystyrǵan degendі bіrіnshі ret estіp otyrmyn. Máselenі talqylaıyq", - dedі Erjan Sádenov.