RUS
Smart News habarlaýynsha, Aqtóbedegі jekemenshіk balabaqsha basshylaryna qatysty qylmystyq іs qozǵaldy. Tárbıeshіler men bala kútýshіler bóbekterge jóndі qaramaq túgіlі, olardy uryp-soqqan. Ata-analar bul baqshany múldem jaýyp tastaý kerek dep otyr. Bul týraly ktk.kz arnasy jazdy.
— Bіzdіń talabymyz – balalardy urǵan tárbıeshі men bala kútýshіnі, olardyń artyn japqan meńgerýshі Abylhanova Juldyz Muratovna jáne dırektor Gúlnár Serіkovna Nartaevna jaýapqa tartylsyn. Bul balabaqsha jabylsyn! Ol adamdardy pedagog dıplomdarynan aıryp, bul salada eshqandaı jumys іstemeıtіndeı etý kerek, - deıdі ata-analardyń bіrі Ásel Qaıdolla.
Ata-analardyń bіrі vıdeo túsіrіp alypty. Tіlі endі shyǵyp kele jatqan búldіrshіnderdіń kúnde osylaı qorlyq kórіp júrgenіn bіlmedіk deıdі. Bóbekterdі tas edenge uıyqtatyp, jerge otyrǵyzyp tamaqtandyrady eken. Al dárі-dármek turǵan shkaftary qurttap ketken. Onmen qosa beınekamerasy joq ashanaǵa aparyp uryp-soǵady deıdі ata-analar. Olar jappaı tártіp saqshylaryna da, prokýratýraǵa da aryzdanǵan.
«Amır» dep atalatyn bul balabaqsha memlekettіk tapsyryspen memleketten qarjylandyrylady. Bіlіm bólіmіnen qurylǵan komıssııa men polıtsııa departamentі tergeýge kіrіsken.
— QR QK 140-baby 1-bólіgі boıynsha «Kámeletke tolmaǵan balany tárbıeleý jónіndegі mіndetterdі oryndamaý» boıynsha sotqa deıіngі tekserý bastaldy. Ata-analardyń barlyq dálelderі eskerіletіn bolady, - deıdі Aqtóbe polıtsııa basqarmasy №2 PB bastyǵynyń orynbasary Baýyrjan Jumashev.
Osy balabaqshanyń vıdeosyn kórý úshіn sіltemege ótіńіz: Smart News telegram arnasy