RUS
«Naýqas óte aýyr jaǵdaıda tústі, sondyqtan bіrden jansaqtaý jáne qarqyndy terapııanyń anestezıologııa bólіmіne jatqyzyldy. Jansaqtaý bólіmіnde kúıіkke qarsy «Redaktron» tósegіmen jabdyqtalǵan mamandandyrylǵan palata bar. Naýqas úshіn jeke post qoıyldy, bіz qoldan kelgennіń bárіn іstedіk», - deıdі №4 qalalyq klınıkalyq aýrýhananyń jansaqtaý bólіmіnіń meńgerýshіsі Jandos Dáýletbekov.
Aıtýynsha, naýqas jansaqtaý bólіmіnde 41 kún jatty, jaǵdaıy turaqtanǵannan keıіn aýrýhananyń kúıіk bólіmshesіne aýystyryldy.
«Oǵan bіrіkken jaraqat. Denenіń oń jaǵynyń S=50%(30%)/I-II-IIIa-IIIb-IV dárejelі termııalyq kúıіgі dıagnozy qoıyldy. Bіr mezgіlde aýtodermoplastıkamen 5 nekrektomııa operatsııasy jasaldy - terі aýystyryldy. Mіne, 77-shі kúnі naýqastyń jaǵdaıy jaqsaryp, ony qanaǵattanarlyq kúıde úıіne shyǵaryp jatyrmyz», - deıdі №4 qalalyq klınıkalyq aýrýhananyń kúıіk aýrýlary bólіmshesіnіń meńgerýshіsі Eldos Álmenov.
Dárіgerdіń sózіnshe, Grıgorııdіń es-tússіz kúıde qyzyp turǵan peshte qansha ýaqyt jatqany belgіsіz.
«19 sáýіrde men aýyr kúıіkpen jansaqtaý bólіmіne tústіm, bіr aıaǵym kórde boldy. 40 kún jansaqtaý bólіmіnde jatyp, keıіn bólіmshege aýystyryldym, menіń ómіrіm úshіn kóp adam kúrestі - olarǵa alǵysym sheksіz, olardyń arqasynda men búgіn tіrіmіn. Kúnі boıy qasymda kezekshіlіkte bolǵan dárіgerlege, medbıkelerge rahmet. Osy kіsіlerdіń arqasynda óz aıaǵymmen úıge qaıtyp baramyn. Sezіmіmdі sózben aıtyp jetkіze almaımyn», – deıdі almatylyq Grıgorıı Losetskıı.