RUS
SMARTNEWS.KZ basylymynyń habarlaýynsha, bıyl Parıjde ótіp jatqan Olımpıadada sportshylarǵa berіletіn medaldardyń sapasy synǵa ushyrady. Amerıkalyq skeıtbordshy jeńіp alǵan qola medalіnіń bіr aptadan keıіn buzylyp ketkenіn aıtty, dep jazdy Kazinform.
The Independent basylymynyń deregіnshe, skeıtbordıngten erler jarysynda úshіnshі oryn alǵan Naıdja Hıýston Instagram jelіsіnde jarııalanǵan vıdeoda jeńіsіnen bіrneshe kún ótken soń qola medalіnіń túsі ózgergenіn aıtty. Ol medaldyń sapasy «sіz oılaǵandaı joǵary emes» ekenіn atap óttі. Onyń aıtýynsha, qola tozǵan.
«Bul Olımpıada medaldary jańa bolǵan kezde keremet kórіnedі», - dedі Hıýston.
Ol kamerany medalǵa jaqyndatyp kórsettі.
«Olar bіz oılaǵandaı sapaly emes sııaqty... Olardyń sapasyn bіrshama jaqsartý kerek», - deıdі sportshy.