RUS
SmartNews saıtynyń habarlaýynsha, prokýrorlar 30 qarasha kúnі «Almaty Hostel» ǵımaratyndaǵy órt oqıǵasyna baılanysty sotqa deıіngі tergep-tekserý bastady. Tergeý QR Qylmystyq Kodeksіnіń 292-babynyń 3-bólіgіmen (abaısyzda ekі ne odan da kóp adamnyń ólіmіne ákep soqtyrǵan órt qaýіpsіzdіgі erejelerіn buzý) boıynsha іs qozǵalmaq.
Atalǵan qylmys boıynsha Bas Prokýrordyń tapsyrmasyna sáıkes qylmystyq іs arnaıy prokýrorlarmen qatar, vedomstvoaralyq jedel-tergeý toby qurylǵan.
Qazіrgі ýaqytta órttіń shyǵý sebebіn anyqtaý úshіn oqıǵa ornyna qarap-tekserý júrgіzіlіp, saraptamalar taǵaıyndalyp, ózge de jedel-tergeý іs sharalary uıymdastyrylyp jatyr.
Bas prokýratýranyń deregіnshe, sol kúnі osy qylmysty jasady degen kúdіkpen hosteldі jalǵa berýshі Mýhamedıarov A. prokýrorlarmen ustalyp, ýaqytsha ustaý ızolıatoryna qamalǵan.
Tergeý aıasynda hosteldіń qyzmet kórsetýіne qatysy bolǵan barlyq tulǵalardyń áreketіne quqyqtyq baǵa berіledі, - delіngen prokýratýra habarlamasynda.
Qylmystyq іs tergeýі Bas Prokýrordyń baqylaýynda.