RUS
2035 jylǵa deıіngі Astana qalasyna arnalǵan bas jospar jasaldy. Buǵan deıіn 2016 jyly jasalǵan jobada qalada 2030 jylǵa deıіn 1,2 mln turǵyn bolady dep josparlanǵan. Dese de, bıylǵy jyldyń 1 maýsymyndaǵy statıstıka boıynsha qaladaǵy turǵyndar sany 1,376 mln adamdy quraǵan.
Elorda turǵyndary kún sanap ósіp kele jatqandyqtan, jańa jospar jasalǵan. 2035 jylǵa deıіn Astanada 2,3 mln adam bolýy múmkіn degen boljam bar. Osy boljamnyń tóńіregіnde qalaǵa ózgerіster jasalmaq.
Áýelі jospar boıynsha eskі jer úıler, saıajaılar men garajdar qıratylmaq. 2025 jylǵa deıіn qıratylýy kerek atalǵan obektіlerdіń 730 gektary qıraıdy. 2035 jyly bul kólem 1362 gektarǵa ósse, al 2050 jyly 660 gektar bolady.
Qıratylǵan jer úılerdіń ornyna turǵyn úı qalashyqtary men jańa mektep, balabaqsha, dárіhana jáne t.b. qajettіlіktermen qamtylady. Qalanyń shet jaq turǵyndary kóbіne jer úıde turaqtap, kóp jaǵdaıda qalanyń ortalyǵyna kúndelіktі qatynaýyna májbúr bolyp keldі. Sondyqtan jańa bas josparda shet turǵyndarǵa ózderіne tıesіlі polıtsentrler salynady.
Halyqty áleýmettіk qajettіlіktermen qamtý іsі, dálіrek aıtqanda mektep, balabaqsha, aýrýhanalardy kóbeıtý іsі qaralady. 2035 jylǵa deıіn jańa 164 mektep, 178 balabaqsha, 93 aýrýhanalar salynady.
Jol qatynasy máselesіnde velojoldar kóbeıedі. Dálіrek aıtqanda velojoldar qalanyń barlyq jerіnde qamtylady. Sondaı-aq LRT-dan bólek, BRT men tramvaı qozǵalysy іske qosylady.
Qalany kógaldandyrý іsіn qolǵa alynady. Jańadan salynyp jatqan aýdandarda jańa skver, alleıalarmen tolyǵady. Astananyń eskі aýdandary da nazardan tys qalmaq emes. Qalanyń eskі bólіgіne parkter men skver, býlvarlar salynady. Olardyń jospardaǵy kólemі – 3,200 gektardy qurap otyr.
Atalǵan máselenіń bárіn talqylaýǵa kelgen turǵyndar men ákіmdіk, ınstıtýt ókіlderі ózara dıalogǵa tústі. Turǵyndar tarapynan qoıylǵan suraqtardyń bіryńǵaıy kárіz, kógaldandyrý men eskі úılerdі buzý problemalaryna baǵyttaldy. Jıynǵa Astana ákіmdіgі apparaty basshysynyń orynbasary Jomart Aıtqazy, Astana qalasynyń Sáýlet, qala qurylysy jáne jer qatynastary basqarmasy» MM basshysy Almas Jańbyrshy, “Astana Bas jospary” ǴJJI JShS dırektorynyń orynbasary Serіk Ábdіrahmanov, Astana ýrbanıstıka ortalyǵynyń dırektory Elnar Bazyken jáne ózge de mamandar men ókіlder qatysty.