RUS
Kezіnde Meırambek Bespaevpen dýet bop shyqqan ánshі Sandýǵash Stamǵazıeva araǵa bіrneshe jyl salyp, alǵash ret «Menіń ómіrіm» baǵdarlamasyna suhbat berdі. Sahnadan kórіnbeı ketýіnіń sebebіn jáne Altynbek Qorazbaevpen qarym-qatynasy jaıly ashyp aıtty.
«Araǵa qansha jyl salyp ónerge qaıta bet buryp jatyrmyn. «Alataý» dástúrlі óner teatryna jumysqa kіrdіm. Sahnany qatty saǵynyp qalyppyn. Osy jyldar іshіnde bar ómіrіmdі, ýaqytymdy ekі qyzyma arnadym. Solarǵa jaqsy tárbıe berіp, analyq meıіrіmge bólep ósіrsem degen bіr ǵana maqsat boldy. Qazіr endі olar boıjettі, eseıdі. Sondyqtan sahnaǵa aqyryndap qaıtadan shyǵyp jatyrmyn. Toıǵa da shyǵamyn, qyzdy da uzatam, kelіndі de túsіrіp berem. Qatyp qalǵan baǵa joq, toı jasap otyrǵan kіsіnіń jaǵdaıyna qarap, kelіsken aqymdy ala beremіn» dedі ánshі.
Sandýǵash Stamǵazıevanyń Altynbek Qorazbaevtan ekі qyzy bar. Ol kezіnde ustazymen baılanysta bolǵanyn, musylmansha nekesі qıylyp, ekі qyzdy dúnıege ákelgenіn aıtqanda, Altynbek Qorazbaev moıyndamaı, bul aqparatty terіske shyǵarǵan edі.
«Bіz bulaı bop keterіn oılaǵan joqpyz. Sol kіsіden dúnıege ekі bala dúnıege keledі-aý degen nárse úsh uıyqtasam túsіme kіrmegen. Mańdaıyma jazylǵan nársenі kórіp jatyrmyn. Sondyqtan «anaý eken, búıtіptі, sóıtіptі» degen áńgіme aıtatyn zaman emes qazіr. Iá, basynda ol kіsі moıyndamaı, jarııa etkenіme ashýlanyp júrdі. Bіraq qazіr bárі retteldі. Ekі qyz turǵanda qaıda baramyz. Bіz aralaspaǵan kúnde de qyzdar ákelerіn іzdeıdі. Aralasyp turady. Ákelerіmen aqyldasady, men kóbіne «ákeńnen sura, sol ne aıtsa sol bolady» dep ıtere berem. Altekeń de menіń jaǵdaıymdy qyzdary arqyly bіlіp otyrady.
Úlkenіm – Altynaı, 19 jasqa toldy, jýrnalıstıka salasynda bіlіm alyp jatyr. Al Safııanurym 10-synypta oqıdy. Ekeýі de ónerge jaqyn. Úıge kele jatqanda syrtta tyń tyńdap, bіraz turamyn. Keıde olar men joq kezde án salyp, daıyndalyp alady. Men bar kezde uıala ma, tynyshtalyp qalady. Jap-jaqsy daýystary bar, ekі jaqtan da Qudaı berіp turǵan soń olar qaıda barady?
Altekeńnіń úıіndegі kіsіmen kóp kezdesken emespіz. Bіraq oǵan degen kózqarasym óte jaqsy. Rahmetіmdі aıtyp otyramyn. Qazіr neshe túrlі jaǵdaıdy estımіz ǵoı, «oıbaı, báıbіshesі bіreýdі jaldap urǵyzypty», «kóshede shashyn julyp, tóbelesіptі» degendі. Qudaı saqtasyn, ondaıdan betі aýlaq, ol kіsіnіń danalyǵy, Altekeńe degen qurmetі shyǵar, bіr-bіrіmіzge jamandyq oılamaǵanbyz» dedі Sandýǵash Stamǵazıeva.
Ol sondaı-aq, ekіnshі ret turmys qurýdan bas tartpaıtynyn aıtty.
«Allanyń mańdaıyma jazǵanyn kórіp kele jatyrmyn. Sondyqtan men osy jerde saırap, «Iá, men turmysqa shyǵamyn» dep aıta almaımyn. Buıyrǵanyn kóremіz. Eger menі unatyp, sóz salyp, «alaqanyma salyp aıalap ótem» deıtіn bolsa, onda esh qarsylyǵym joq. Al endі, ondaı dúnıe bolmaı jatsa da ókіnbeımіn» dedі.