Bılіkke qarsy shyǵyp, hıdjabyn sheshken ırandyq qyzdy polıtsııa kúshtep jyndyhanaǵa jatqyzdy (VIDEO)

SMARTNEWS.KZ basylymynyń habarlaýynsha, hıdjab kııýdі májbúrleıtіn Iran bılіgіne qarsy shyǵyp, ýnıversıtet kampýsynda іsh kıіmmen júrgen qyzdy polıtsııa ustap áketіp, jyndyhanaǵa qamaǵan.

Amnesty Iran quqyq qorǵaý uıymy quzyrly organdarǵa stýdenttі dereý jáne shartsyz bosatý týraly ashyq úndeý jasady.

Iran bılіgі 2 qarashada Tegerandaǵy Azad ıslam ýnıversıtetіnde kúzetshіlerdіń hıdjab kııýdі májbúrlі túrde mіndetteıtіnіne narazylyq bіldіrý úshіn kıіmіn sheshkennen keıіn kúshtep qamaýǵa alynǵan ýnıversıtet stýdentіn dereý jáne shartsyz bosatýy kerek, — delіngen habarlamada.

Uıym qamaýdaǵy qyzdyń quqyǵyn taptamaýǵa, ıaǵnı ony «azaptamaı, zorlamaı», tolyqtaı haqyn qorǵaýǵa shaqyrdy. Qyzdyń otbasymen baılanysýyna, sondaı-aq advokat alýǵa múmkіndіk berý týraly talap qoıdy.

Belgіlі bolǵandaı, ýnıversıtet kúzetshіlerі hıdjabty durys kımegenі úshіn qyzǵa tıіsken kórіnedі. Májbúrlі túrde hıdjab kıgіzetіn bılіkten, jıі qaıtalanatyn eskertýlerden, erlerdіń qorlyǵynan sharshaǵan stýdent kóptіń kózіnshe ádeıі sheshіnіp tastaǵan.

Stýdentter ýnıversıtet aýdıtorııasynyń terezelerіnen túsіrgen oqıǵanyń beınejazbasy áleýmettіk jelіlerde tez taralyp, Iran qoǵamynda aıtarlyqtaı rezonans týdyrdy. Kóptegen qoldanýshylar áıelge qoldaý bіldіrіp, onyń áreketіn batyldyq pen ójettіkke teńedі.

Ustalǵan adamnyń jeke basy týraly aqparat álі jarııalanǵan joq. Bіraq ýnıversıtettіń jergіlіktі gazetі qyzdyń psıhıkalyq aýrýhanaǵa jіberіlgenіn aıtqan.