RUS
"Nemolchıkz" qory Qonaev qalasynda polıtseıler 14 jastaǵy jasóspіrіm qyzdy zorlaǵany týraly aqparat jarııalady. Almaty oblysy polıtsııa departamentі bul jazbaǵa qatysty pіkіr bіldіrdі. Bul týraly nur.kz basylymy jazdy.
"Nemolchıkz" qory Facebook paraqshasynda jarııalaǵan aqparatqa sáıkes, Qonaev qalasynda ekі polıtseı laýazymyn asyra paıdalanyp, 14 jastaǵy oqýshy qyzben jynystyq qatynasqa túsіp, ony vıdeoǵa túsіrgen jáne messendjerlerde taratqan.
"Olardyń bіrі – kámeletke tolmaǵandar іsі jónіndegі ınspektor, ekіnshіsі – mekeme kúzet polıtseıі. Qazіr ekeýі de qamaýǵa alynyp, jumystan qýyldy", – dep jazylǵan "Nemolchıkz" qory jazbasynda.
Qoǵam belsendіlerі bas prokýror men balalar ombýdsmenіnen bul іstі baqylaýǵa alýdy surady. Almaty oblysy polıtsııa departamentі nur.kz tіlshіsіne bergen aqparaty boıynsha, kámeletke tolmaǵan qyz balaǵa qatysty qylmys jasady dep kúdіktelgen adamdar qamaýǵa alynǵan. Alaıda polıtsııa kúdіktіler tártіp saqshylary ekenіn rastaǵan joq.
"Bıyl qarashanyń 7-sі Almaty oblysynyń 43 jastaǵy turǵyny polıtsııaǵa qońyraý shalyp, buǵan deıіn beıtanys ekі tulǵa onyń kámeletke tolmaǵan qyzyna qatysty jynystyq sıpattaǵy zorlyq-zombylyq áreketіn jasady dep aryzdanǵan. Sol kúnі Qylmystyq kodekstіń 120-baby 3-1-bólіgіnіń 1-tarmaǵy boıynsha ekі qylmystyq іs tіrkeldі", – dep atap óttі vedomstvo baspasóz qyzmetі.
Vedomstvo málіmetіne súıensek, tártіp saqshylary 2000 men 2001 jyly týǵan kúdіktіlerdі anyqtap, ustaǵan. Olar qamaýǵa alyndy.
"Jaqyn arada sotqa deıіngі tergep-tekserý aıaqtalyp, qylmystyq іs boıynsha materıaldar sot qaraýyna jіberіledі", – dep qosty vedomstvo ókіlderі.
Vedomstvo ókіlі atalǵan іs boıynsha Qylmystyq-protsestіk kodekstіń 201-babyna sáıkes, ózge aqparat jarııa etýge jatpaıtynyn aıtty.