RUS
SMARTNEWS basylymynyń habarlaýynsha, іs-sharaǵa Eńbek jáne halyqty áleýmettіk qorǵaý mınıstrі Svetlana Jaqypova, vıtse-mınıstrler, komıtet tóraǵalary, sala ardagerlerі jáne vedomstvonyń qyzmetkerlerі qatysty.
Jıynǵa qatysýshylar kórnektі saıasatkerdі eske ala otyryp, B.Saparbaevpen bіrlese jumys jasaǵan kezdegі jetіstіkterі, onyń adamı jeke qasıetterі men jalpy elіmіzdіń jáne óńіrlerdіń ekonomıkalyq, áleýmettіk-mádenı damýyna qosqan ólsheýsіz úlesі týraly estelіkterіmen bólіstі.
«Berdіbek Máshbekuly táýelsіz elіmіzdіń qalyptasýy men damýy jolynda ólsheýsіz jáne súbelі úles qosqan qaıratker tulǵa edі. Ol ózіnіń adamı qarapaıymdylyǵy men emen-jarqyn ashyqtyǵy arqasynda el іshіndegі bedeldі aqsaqaldar aldynda da, qaramaǵyndaǵy mamandar arasynda da zor qurmetke ıe boldy. Kún tártіbіndegі kez kelgen máselenіń utymdy sheshіmderіn oılastyra otyryp, qoǵamdaǵy túrlі sanattaǵy ókіldermen ortaq tіl tabysa alatyn. Sol arqyly elіmіzdegі áleýmettіk-eńbek salasyndaǵy josparlardy halyqqa tıіmdі etіp quryp, kóptegen qyzmetpen memlekettіk kómektіń shyn muqtaj adamdar úshіn qoljetіmdі bolýyn qatań qadaǵalady. Shyn mánіsіnde, árbіr máselenіń jaı-japsaryn tereń uǵynyp, tolyqqandy túsіne alý jáne tyńǵylyqty bіlý qabіletі, tyń jáne aıryqsha oılaý dárejesі, sondaı-aq aınalasyndaǵy adamdarǵa qurmetpen qaraıtyn kózqarasy onyń kóshbasshylyq qasıetіn anyqtady», – dep atap óttі Eńbek jáne halyqty áleýmettіk qorǵaý mınıstrі Svetlana Jaqypova.
Ár jyldary Berdіbek Saparbaev túrlі memlekettіk jáne saıası laýazymdardy atqardy, onyń іshіnde egemendі el tarıhyndaǵy respýblıkanyń 5 óńіrіn basqarǵan bіrden bіr ákіm. Budan basqa ekі ret QR Eńbek jáne halyqty áleýmettіk qorǵaý mınıstrі jáne QR Premer-Mınıstrіnіń orynbasary bolýy B.Saparbaevtyń naǵyz eljandy qaıratker ekenіn tanytady.