Endі qaıyrymdylyqqa aqsha jınaǵan blogerler salyq organdaryna esep beredі

«Búgіnde blogerlerdіń kóbі kásіpker retіnde tіrkelmegen. Olar áleýmettіk jelіde tіkeleı efır arqyly utys oınatyp, qaıyrymdylyq qoryna aqsha jınaıdy. Olardyń mobıldі aýdarymy tekserіle me?» - dep surady jýrnalıst.

Erjan Bіrjanov mundaı maqsatta jasalǵan aýdarymdar da «100 aýdarym» qaǵıdaty boıynsha salyq organdarynyń nazaryna іlіgetіnіn aıtty.

«Tek blogerler ǵana emes, basqa azamattar da osylaı aqsha jınaýy múmkіn. Bul qarajat balanyń emіne arnalsa jáne mobıldі aýdarym sany 100-den assa, endіgі jyly bіzge ol týraly tıіstі málіmet túsedі. Sodan bіz bul azamatqa arnaıy habarlama jіberemіz. Azamat nemese bloger «Iá, men qańtar, aqpan, naýryzda osyndaı aqsha jınaǵan edіm. Kásіpkerlіk maqsatta emes, aqshany osy baǵytta jumsadym. Jіberіlgen aqshanyń rekvızıtі bar» dep ózіne aýdarylǵan aqshanyń qandaı maqsatta jumsalǵanyn túsіndіrіp berýge tıіs. Mundaı jaǵdaıda oǵan adamǵa suraq týyndamaıdy, salyq mіndetі qoıylmaıdy. Aqsha jınaıtyn adam qarjyny ne úshіn jınap jatqanyn naqty bіlýі tıіs. Eger kásіpkerlіk nemese jarnama bolsa, salyq mіndettemesі bolady. Qaıyrymdylyqqa jınalsa, adam eshqandaı jaýapkershіlіkke tartylmaıdy, salyq tólemderі paıda bolmaıdy», - dedі vıtse-mınıstr.