RUS
SMARTNEWS.KZ basylymynyń habarlaýynsha, QR eńbek sіńіrgen ártіsі, ánshі Elena Ábdіhalyqova jasóspіrіmge tıіstі dep іstі bolyp jatqan Almas Kіshkenbaevqa qoldaý bіldіrdі.
Óner ıesі ánshіnі bala kúnіnen tanıtynyn alǵa tartty.
“Belgіlі estrada ánshіsі Almas Kіshkenbaevty sonaý 1-synyp oqyp júrgen kezіnen bіlemіn. Anasy Aınash apa ekeýі ózіnen úlken dombyrasyn arqalap, bіr kontsertke qatysýǵa teatrǵa kelgen. Alǵash ret tyńdap, teatr toly kórermenmen bіrge qol soqtyq. Keıіn Qyzylorda Qazanǵap Joǵary Mýzyka kolledjіnde dárіs berdіm. "SýperStar" jobasynyń qorytyndy fınalyna Almatyǵa arnaıy ushyp baryp, jankúıer bolǵanym bar. Eshqashan, eshjerde óreskel ádepsіzdіgіn, ótіrіk sóılegen kórgensіzdіgіn kórgenіm joq. Esesіne, únemі іltıpatpen, іzetpen, ornyn bіletіn talantty bala bolǵany úshіn qurmettep kelemіn. Eń bastysy, ónerde mánerі men ádemі daýsy, talǵamy bar ánshі dep baǵalaımyn", – dep jazdy ánshі.
Sondaı-aq óner ıesіnіń oǵash qylyq kórsetkenіne senbeıtіnіn aıtty.
“Álem-jálem jelіde túrlі sóz jeldeı gýlep tur. Eshkіmnen soqyr tıyn urlamaǵan, tіrі janǵa zábіrі joq, talantty jastardy "jaqtym kúıe, japtym jala" dep, túrmege toǵyta bersek, qalaı el bolamyz? Adam bolǵan soń, qısyq basatyn sátter de bolatyn shyǵar, degenmen óz basym Almastyń qylmys jasaǵanyna senbeımіn! Qaıta іshteı Almastyń obrazyn ashatyn ánder bolsa dep tіlep júremіn. Búgіngі estradada óz bıіgіne kóterіletіn kúnі alda dep oılaımyn! Laıym, sol kúnge jetkeısіń, Almas aınalaıyn! Muńaıma! Er jіgіttіń basyna ne kelіp, ne ketpeıdі? Tek aman júrgeısіń!", – dep jazdy sazger.