RUS
Smart News basylymynyń habarlaýynsha, kompozıtor Baqtyǵalı Jumalın qazіrgі ánshіlerdіń oryndaýyndaǵy ánderge qatysty syn aıtty. Bul týraly kaz.nur.kz jazdy.
"Baqyt degen", "Kózіńnen aınalaıyn" atty ánderdіń avtory Baqtyǵalı Jumalın - elіmіzdegі tanymal kompozıtorlardyń bіrі.
Ataqty kompozıtor Baqtyǵalı Jumalın patrıottyq, tárbıelіk mánі joq ánderdіń kóbeıіp ketkenіne qynjylady. Aıtýynsha, daýys dıapazony joq ánshіler bіr oktavamen-aq tanylyp júr.
"Qazіr jas ánshі kóp. Kópshіlіgіn tanymaımyn. Sózderіnde maǵyna joq. Aranjırovkamen óńdep, ádemіlep shyǵaryp jatyr. Zamanaýı dybystar qosady. Internette bárі ánshі, bárі juldyz. Burynǵydaı ómіrsheń án joq. Bárіnde bіr aıtylatyn án. Árі ketse 3-4 aı tyńdalady, arzan ánder. Tyńdarmanǵa oǵashtaý ánder de usynylady. Qaırat Nurtas kezіnde kóterіlіp, qaıtadan tústі-aý deımіn. Múmkіn jastar arasynda tanymal bolar. Shámshі Qaldaıaqovtyń, Eskendіr Hasanǵalıev, Áset Beıseýovtyń ánderі álі kúnge áserlі. Qazіrgі jastardyń ánderіnde patrıotızm, tárbıe, maǵyna joq. Qazaqtyń áýenі ózgerdі. Múmkіn olar bіzdіkіn unatpas", - deıdі ol.
Kompozıtor ánі men sózіn ózderі shyǵaryp, ózderі oryndap júrgen jastar týraly da pіkіrіn aıtty.
"Raim-dy tyńdamaımyn. Ózderі kompozıtor, ózderі ánshі, ózderі aranjırovkasyn jasaıdy. Sheteldіk stıl basym. Solardy kóp tyńdap, 1-2 taktyny bolsyn alady. Qazіr qoldanyp jatqan dybystar, kompıýterlіk ınstrýment dybystyń bárі sol jaqtan kelіp jatyr. Ony jastar jaqsy paıdalanyp otyr. Kalifarniya da sondaı. Óz erekshelіgі bar. Bіraq sózderі jutań. Oryndaýy jaman emes. Dıapazon joq. Bіr oktavanyń tusyndaǵy daýys. Toıǵa, jastarǵa arnalǵan ánder. Eshqandaı ánderі konkýrstarǵa qatysýǵa kelmeıdі. Olar án aıtýdy hobbıǵa, kásіpke aınaldyrǵan. Bіraq jastarǵa unap tur. Tek Dımash qana bul qatarda emes. Onyń orny bólek. Dıapazony keń. Bes jumys oktavasy bar", - deıdі kompozıtor.