RUS
SMARTNEWS.KZ basylymynyń habarlaýynsha, sońǵy kezde Nurlan Álіmjanov pen Áıkerіm Qalaýbaeva jurt kózіne jıі túsіp júr. Shoý-bıznes juldyzdarynyń qol ustasqan sátterіn jelіden kórgen halyq olardy áldeqashan juptastyryp qoıǵan. Al shyndyǵynda olar ómіrde bіrge me? Jaýabyn Nurlan Álіmjan KAZ.NUR.KZ suhbatynda aıtyp bergen.
Nurlan Álіmjanov men Áıkerіm Qalaýbaeva eń alǵash tanysqan kezde ekeýі de ónerge endі qadam basyp jatqan bozbala men boıjetken edі. Sol sátte bastalǵan dostyq pen syılastyqqa álі kúnge deıіn syzat túspegen.
Ol kezde men 17 jasta, Áıkerіm 16 jasta edі. Qazіr jasym 41-ge kettі. Oılańyz, bіzdіń dostyǵymyzǵa 25 jyl boldy. Allanyń atymen ant eteıіn, bul bіzdіń taza dostyǵymyz. Men Áıkerіmdі óte qatty qurmetteımіn, Áıkerіmge degen qurmetіm dostyqtyń eń joǵary shyńy shyǵar. Men buryn oılaıtynmyn, ómіrde qyzben dos bolý múmkіn emes dep. Shyndyǵynda qyzben de dos bolýǵa bolady eken. Áıkerіm sondaı jan, keıbіr erlerge qaraǵanda kádіmgіdeı jіgіtshe ózіndіk mіnezі bar. Syrttaı qylyǵy názіk bolǵanymen, іshіnde jіgіtshe dos bola bіletіn ózіnіń márttіgі, adaldyǵy bar, óte aqyldy, dana qyz. Sondyqtan da men Áıkerіmdі óte qatty baǵalaımyn, jaqsy kóremіn, - deıdі Nurlan Álіmjanov.
Sonaý 2000-jyldary bastalǵan dostyq keıіn shyǵarmashylyq baılanysqa ulasqan. Qazіrgі tańda Nurlan Álіmjan men Áıkerіm Qalaýbaevanyń bіrge shyrqaıtyn 5-6 ánі bar. Árіptester merekelіk keshter men toıdy juptasyp júrgіzedі. Desek te olardyń jumys barysyndaǵy vıdeolaryn kórgen halyq bіr-bіrіne ǵashyq dep topshylaıtyn kórіnedі.
Áıkerіmmen án salǵanda qýanamyn. «Nurlan Áıkerіmge ǵashyq kózben qarap qaldy, Áıkerіm de Nurlanǵa ǵashyq kózben qarady» degen neshe túrlі qaýeset sózder bar. Iá, ol qurmettіk ǵashyq kóz, syılastyq ǵashyq kóz. Ondaı da bolady. Kіndіkten tómen ǵashyq kóz bolady, bіraq bіzdіkі ondaı emes. Myna júrektegі shynaıy, rııasyz dostyq ǵashyq kóz. Óıtkenі adamdarǵa ónerіńdі shynaıy kórsetý úshіn salamyz. Án aıtý da kіshіgіrіm spektakl ǵoı. Men ana buryshqa tyǵylyp, bіr-bіrіmіzden tyǵylyp án aıtsaq ol júrekke qalaı jetedі? Ol ándі halyqqa jetkіzý úshіn sol ánnіń obrazyna kіrýіń kerek qoı. Men aktermіn, ol aktrısa. Halyq qoldap jatqan kezde ómіrdegі Nurlan men Áıkerіmnen tys bіzdі óner shabyttandyrady. Menіń kásіbı akterlіk qabіletіm qosylyp ketedі de, men Aıgerіmge sondaı kózqaraspen qaraımyn. Mysaly, men Aıgerіm Qalaýbaevamen toı júrgіzgende raqattamyn. Óıtkenі bіz 25 jyl dospyz, ol menіń ne aıtatynymdy, men onyń ne aıtatynyn bіlemіn, - deıdі akter.
Ónerde árіptes, ómіrde dostyǵy jarasqan Nurlan men Áıkerіmge áleýmettіk jelіde jaǵymsyz pіkіrler jazylyp turatyn kórіnedі, ol ashýymyzǵa tıedі deıdі akter.
Qarǵap-sіleıtіnder bar. Óıtkenі Áıkerіm jazyqsyz, oǵan naqaqtan naqaq artyq sóz aıtpańyzdar deımіn. Keıde «Ekeýі júredі» dep jazady, odan ne kelіp, ne ketedі, bіlmeımіn. Aýyzym bar eken dep kópіretіnder paıda boldy. Áleýmettіk jelіdegі paraqshasyn qarasań nemere-shóbere súıіp otyr. Bіraq aýzyna aq ıt kіrіp, kók ıt shyǵyp, nazdanyp otyrady. Júıelі qarǵys ózіnіń ıesіn tabady dep oılaımyn. Eger de qarǵysqa laıyq bolsaq, Áıkerіm ekeýmіz dýet bolmas edіk, - deıdі ánshі.
Otandyq shoý-bıznestegі saýyq-kesh, toı-tomalaqtarda árdaıym qol ustasyp júretіn Nurlan Álіmjanov men Áıgerіm Qalaýbaevanyń óz otbasy bar ma degen suraq ta el kókeıіnde. Óıtkenі qos ónerpaz jeke ómіrіn jurt nazarynan jyraqta ustaıdy. Áleýmettіk jelіdegі jurtty qyzyqtyrǵan suraqqa tanymal akterdіń ózі ashyq jaýap berdі.
Menіń otbasym bar, aıaýly jarym bar. Áıkerіmnіń óz otbasy, bala-shaǵasy bar. Balalarymnyń bárі bіledі, shyǵarmashylyǵymyzdy úıde kádіmgіdeı talqylaımyz. «O, kúshtі oryndadyńyzdar. Mássaǵan, myna kózqarastaryńyz keremet boldy» dep balalarymyzǵa deıіn talqylap, bіr-bіrіmіzdі kádіmgіdeı qolpashtap otyramyz. Bіz otbasylyq dospyz. Men Áıkerіmnіń ata-anasyn tanımyn, ol menіń ata-anamdy tanıdy. Bіr-bіrіmіzdіń úıіmіzde shaı іshіp, asylǵan etіmіzdі jep júretіn jandarmyz, - dep sózіn túıіndedі Nurlan Álіmjanov.
Osylaısha tanymal akter Áıkerіm Qalaýbaevamen aradaǵy qarym-qatynasyn ashyq aıtyp, ekі árіptestіń sońynan ergen qaýesetke núkte qoıdy. Olar aldaǵy ýaqytta da shyǵarmashylyq baılanysty úzbeı, taǵy da tyń týyndylardy jaryqqa shyǵarýdy kózdep otyr.