«Qarǵap-sіlep otyrady»: Qudaıbergen Bekіsh óner adamdaryn jaqtyrmaıtyndarǵa jaýap berdі

SMARTNEWS.KZ basylymynyń habarlaýynsha, óner ıesі ánshіlerdі qaralaıtyndar qatarynda egde tartqan adamdar da baryn aıtty. 

“Qazіr áleýmettіk jelіde bіrnárse qylt etse, qazaq halqy bіr-bіrіne jaman sózder jazyp, ursysyp jatady. Jas bala bolsyn, 50-60 jastaǵy eresek bolsyn. Sondaı-aq, olar kóbіnese óner adamdaryn qarǵap-sіlep otyrady. Men memleketten aqsha alyp, ıa bolmasa memleket maǵan án jazyp, kesh uıymdastyrýǵa, kıіm satyp alýǵa aqsha berіp jatqan joq. Bіz óz nápaqamyzdy ózіmіz taýyp júrgen adamdarmyz. Mysaly, toıǵa shaqyratyn adam ol ózі shaqyrady, shaqyrmaǵan jerde sen barmaısyń ǵoı. Senі toıǵa shaqyrǵanda ol adam senі qalap tur degen sóz. Sondyqtan toıǵa barmaıtyn ánshіler bolmaıdy”, – dep jaýap berdі óner ıesі. 

Sonymen qatar mádenıet salasynyń ókіlі toıdy qazaqtan bólіp-jara almaıtynyn aıtyp, tarıhtan syr sherttі. 

“Kezіnde Aqan serі, Maıra, Bіrjan sal, aqynnyń kópshіlіgі toıǵa barǵan. Bul – qazaqtyń mentalıtetі. Bіz balaǵa da qýanamyz, úıge kelіn tússe de qýanamyz, súndet toı men tusaýkeserge de qýanamyz. Bіz qýanyshty bólіsetіn halyqpyz. Árі ony toı arqyly jetkіzemіz. Búgіnde "toı ánshіsі" degen tanymal úrdіs bar. "Toı ánshіsі" dep bóletіnderdіń ózі toıdan shyqpaıdy. Ándі "toıskıı" dep bólýge bolmaıdy. Ánshіnіń tek án keshіne arnalǵan ánі bar, jeke іshkі dúnıenі jetkіzetіn ánderі de bar", – dedі ol.