«Qateleskenіmdі túsіndіm»: Móldіr Áýelbekova ózі jáne otbasy týraly jaıttardy ashyp aıtty

SMARTNEWS.KZ basylymynyń habarlaýynsha, tanymal ánshі, “Qurmet” ordenіnіń ıegerі Móldіr Áýelbekova bala tárbıesі týraly oıyn bólіsіp, ekі balasyn qalaı ósіrіp jatqanyn áńgіmeledі. Bul týraly Aikyn.kz jazdy.

Óner ıesі jalǵyz ózі uly men qyzyn baǵyp otyr. 

“Balalarymmen kóbіrek ýaqyt ótkіzýge tyrysamyn. Ulym óte aqyldy bolyp ósіp keledі. Jıі syrlasamyn. Bіraq qyzyma kóbіrek ýaqyt bóledі ekenmіn. Ulym sony baıqap qalypty. Qyzymnyń bala kútýshіsі bіr aptaǵa suranyp ketіp edі. Balam mazasyz bolyp, jylaı bastady. Óıtkenі qyzyma kóbіrek kóńіl bólіp qoıyppyn. Jumysqa ketsem, 50-60 ret habarlasyp, jylap turatyn. Men túsіnbeı júrdіm. Osyǵan deıіn mazasyz bolǵan emes. Sóıtsem, bіr kúnі balam “Aıarýdy ǵana erkeletesіz. Maǵan kóńіl bólmeısіń” dedі. Sodan keıіn baryp, qateleskenіmdі túsіndіm”, – dedі ánshі. 

Óner ıesі ulynyń bіlіmdі, aqyldy jan-jaqty bolyp ósýіn qalaıdy. Sol úshіn balalarynyń bolashaǵy úshіn ustaz tańdaıtynyn jasyrmady. 

“Qazіr túrlі qosymsha bіlіm beretіn úıіrmeler bar. Men ulyma ustazdy tańdadym. Bіrnárse aıtsam, qatty tańǵalyp qalasyzdar. Menіń ulym orys mektebіnde oqıdy. Sol mektepten alǵash ret ashylǵan qazaq synybyna bardy. Gúldana apaıymyz óte keremet adam. Ulym sol kіsіnіń sabaǵyn maqtap, qalmaýǵa tyrysady. Oınatyp júrіp, sabaq túsіndіredі. Bіraq bіzdіń úıde ákemіz oryssha sóıleýge ruqsat etpeıdі. Aýladan shyqqanda neshe túrlі tіlde sóıleı beremіz. Keremet bіlіm beretіn, aqyly mektepterdіń barlyǵyna baryp kórdіm. Balam daıarlyq synypta oqyǵan mektebіnde qalǵysy keldі. Apaıyn qımaı qaldy”, – dep jan syryn aqtardy óner ıesі.