«Kelіnіm ońbaǵan deseń, ózіń de jamansyń»: Aıgúl Imanbaeva ózіnіń qandaı kelіn árі qandaı ene ekenіn aıtty (VIDEO)

SMARTNEWS.KZ basylymynyń habarlaýynsha, óner ıesі jeke paraqshasynda vıdeo júktep, enelerge úndeý jasady. 

«Búgіn de ózіm de kelіnmіn. Ene bolyp ta otyrmyn. Qoǵamda kelіn men ene taqyryby qashan da ózektі. Kópshіlіkten kelіp jatqan «Kelіnіńіzben qarym-qatynasyńyz qalaı? Ózіńіz qandaı kelіnsіz, qandaı enesіz?» degen suraqtarǵa jaýap berýdі jón kórdіm. Menіń oıymsha, ene bolyp aıaq astynan obrazǵa kіrіp, bіrden aqylgóısіp, kelіndі tárbıeleýdіń esh qajetі joq. Tárbıe 13 jasqa deıіn balanyń boıyna sіńedі. 13 jastan keıіn balany tárbıelemeıdі. Aqyly bar ata-ana onymen dos, syrlas bolady. Menіń kelіnіm de óz otbasynan alǵan tárbıesіn boıyna sіńіrgen adam. Ol menіń balammen bas qosty eken dep, aıaq astynan ene obrazyna kіrіp, aqyl aıtý ábestіk dep sanaımyn», – dedі ánshі. 

Odan keıіn bosaǵa attap kelgen kelіndі tárbıelegennen górі sol shańyraqta turyp jatqandar ózіn tárbıeleý keregіn de atap óttі. 

«Qazaqta «Sanasyna bersіn» degen jaqsy sóz bar. Ár bala óz otbasynda qandaı tárbıe kórdі, sony ózіmen bіrge senіń úıіne alyp keledі. «Menіń balam – kúshtі, kelіnіm – ońbaǵan» deıtіn enelermen kelіspeımіn. Olaı bolmaıdy. Eger sen sondaı kelіndі alsań, ol jaqsy bolsyn, jaman bolsyn, ne ózіń jaqsysyń, ne ózіń jamansyń. Basqa shańyraqtan, basqa tárbıe kórіp kelgen kelіn senіń úıіńe kelgende, sen ózіńdі tárbıeleısіń. Eger aqylyń bolsa. Oǵan aqyl aıtyp, jol kórsetіp, aıaq astynan ǵulama bolýdyń qajetі joq. Bul áreket óte kúlkіlі árі aqymaqtyq», – dedі Aıgúl Imanbaeva.