RUS
SMARTNEWS.KZ basylymynyń habarlaýynsha, óner ıesі kınoprodıýserlerden kóp gonorar talap ete almaıtynyn jasyrmady.
“Ónerde turaqty tabys joq ekenіn bárі bіledі. Odan keıіn Almaty úlken jáne qymbat qala eken. Kóp gonorar suraıtyn oqyǵan aktrısa emespіn. Kún saıyn túrlі jobalardan usynys túsedі demeımіn. Tabysymnyń tórtten bіrі páterіme ketedі. Álі kúnge deıіn páter jaldap júrmіn. Ipotekalyq baǵdarlamalarǵa іlіne almaı jatyrmyn. Menі bloger bolyp kettі, kóp aqsha tabady dep oılaıdy. Bіr týysym, “Kelіnjanǵa” tústіń ǵoı, endі maǵan KAMAZ alyp bershі” dep ótіnіsh jasaǵan. Tabysym ózіmnіń júrіp-turýymnan artylmaıdy”, – dep aǵynan jaryldy aktrısa.
Sondaı-aq, kınojuldyz otandyq serıaldarǵa túsýge shaqyrtý alǵan sátіn esіne aldy.
"Túsіrіlіmge qatty daıyndaldym. Zattarymdy jınap shyqtym. "Qonasyń, sonda bіr aı jatasyń" dedі. Kólіk júrgіzýshі kelіp menі alyp ketkende іshіnde Qobylandy Bolat pen Rústem Janyamanov sııaqty akterler boldy. Aýzym ashylyp qaldy. Bular qalaı sóılesedі eken dep, maǵan bárі qyzyq boldy. Joldan olardyń kofe satyp alǵany da maǵan kıno bolyp kórіndі. Túsіrіlіmnіń bіrіnshі aptasy menіń aýyz ashyp, tańǵalýymmen óttі", – dedі aktrısa.