RUS
Smart News basylymynyń habarlaýynsha, Maqpal Júnіsova Instagram paraqshasynda "Zákeńnіń batasy" dep paraqqa jazylǵan óleń joldaryn jarııalaǵan.
Zamanbek Nurqadіlovtіń óz qolymen jazylǵan bata 2005 jyldyń 26 tamyzynda jazylǵan. Bul saıasatker qaıtys bolardan 3 aı burynǵy ýaqyt.
Baıqamappyn salmaǵyn,
Ómіr zіlіn, jalǵanyn.
Mahabbat bar dep ózіńmen
Ot bop laýlap janǵanmyn.
Janym endі tózersіń,
Taǵdyrdyń basqa salǵanyn,
Jaqsy basar jamandy
Alla aıtar talǵamyn.
Jaratqan ıem qoldasa,
Kúsheıter saǵan qorǵanyn.
Jaý jeńіlіp, sen jeńіp
Úzersіń shynjyr torlaryn.
Ásem án álі qulpyrtar
Jaryq aıdyń tolǵanyn.
Elіń kórer erteń-aq
Mereı sendeı bolǵanyn.
Senderge qıdym qaıshymen
Ǵumyrymnyń qalǵanyn.
Ónerdі máńgі alǵasyń,
Alla bersіn jalǵasyn!
Áýmın!
Eske sala ketsek, Zamanbek Nurqadіlov tanymal saıasatker, qoǵam qaıratkerі bolǵan. Ár jyldary Almaty qalalyq atqarý komıtetіnіń tóraǵasy, Almaty qalasynyń, keıіnnen Almaty oblysynyń ákіmі qyzmetterіn, sondaı-aq Parlament Májіlіsіnіń depýtaty qyzmetterіn atqarǵan.
2005 jyldyń 12 qarashasynda Zamanbek Nurqadіlov óz úıіnde denesіndegі atylǵan úsh oǵymen ólі kúıіnde tabyldy. Ekі oq keýdesіne tıgen, bіreýі basyna tıgen. Bolǵan oqıǵanyń resmı nusqasy boıynsha ol óz-ózіne qol jumsaǵan dep tanyldy.