"Kólіktіń terezesіn syndyryp, menі alyp shyqty": Baıan Maqsatqyzy qyzynyń ózіn qalaı qutqarǵanyn aıtyp berdі (VIDEO)

SMARTNEWS.KZ basylymynyń habarlaýynsha, óner ıesі Baıan Maqsatqyzy oqıǵa aeroporttan kele jatqanda kólіkte bolǵanyn aıtty.

"Aeroporttan soń Tursyn óz áıelіmen sóılesýge úıіne kettі. Al menі sol túnі qyzym qutqardy. Aeroportta turǵanda oǵan habarlasyp, "az ýaqyttan soń úıde bolamyn, taksıge otyrdym" dep habarlastym. Bul oqıǵa bolmaǵanda 40 mınýtta úıge jetetіnіm belgіlі ǵoı. Eks-kúıeýіm jıenіmen bіrge keldі de, menі otyrǵan kólіgіmnen basqa kólіkke otyrǵyzdy. Árі qaraı zorlyq-zombylyq kórsettі, 2 saǵat boıy qorlyq kórdіm. Jıenі bіr nárse durys emes ekenіn sol kezde bіlіp, óz anasyna, ıaǵnı eks-kúıeýіmnіń apasyna habarlasty. Al anasy qyzym Aısáýlege aıtqan", – dedі Baıan Maqsatqyzy qaıǵyly oqıǵany esіne alyp.

Sol prodıýser qyzynyń ákesіne telefon soqqanyn, alaıda ol kótermegenіn aıtady.

"Aısáýle maǵan, ákesіne soqqan, habarlasa almaǵan. Sóıtіp Talǵar trassasynan bіzdі tabady. Kelіp, kólіktіń esіgіn ashaıyn dese, jabyq bolǵan. Aıaq kıіmіmen, kólіktіń terezesіn syndyryp, menі alyp shyqty. Kele jatqanda Aısáýle jedel járdem men polıtsııa qyzmetkerlerіne soǵyp, bárіne habarlaǵan. Menі alyp shyqqanda ol jerge ekeýі de keldі. Sóıtіp, aýrýhanaǵa apardy", – dedі prodıýser.