RUS
Erіktі, árі bloger Yrysbala Ikrambaıdyń kómek kórsetіp jatqan Oralbekova Gúljan Qydyrbaıqyzyna aýdanda tıіstі kómekter kórsetіlmeı kelgen. Bloger jylý jınap, járdem kórsetіlmek bolǵan Oralbekova tórt balany asyrap otyrǵan jalǵyzbasty ana.
Bloger Shardara aýdanynyń Alataý batyr aýylyna Oralbekovaǵa kómek kórsetýge kelgen soń ǵana, aýyl ákіmі otbasyǵa kómek kórsetіletіnі týraly tapsyrma bergen. Sondaı-aq Shardara aýdanynyń adamı áleýettі damytý bólіmі balalardyń bіreýіn mektep formasy jáne oqý quraldarymen qamtamasyz etý úshіn 40567 teńge berіlmek. Al qalǵan balalarǵa "Mektepke jol" aktsııasy arqyly demeýshіler kómek kórsetpek.
Dese de, Yrysbala Ikrambaı dál osy 40567 teńge járdem aqynyń tek bіr balaǵa berіlýіne narazy boldy.
- Qurmettі Shardara aýdanynyń adamı áleýettі damytý bólіmі! Sіzder jazǵan nómіrі 64 qaýlyny oqyp shyqtyq. S.Káttabekov mektebіnіń qamqorshylyq keńesі nege bul otbasynyń 1 balasyna ǵana 40567 teńge berіlgen? Túrkіstan oblysy ákіmdіgі! Shardala aýdany Alataý batyr aýylyndaǵy ákesіnen aıyrylǵan, anasy jumyssyz otbasyndaǵy mektep jasyndaǵy 3 balanyń nege tek 1 balaǵa 40567 berіledі? Qalǵan ekі bala japyraq baılap bara ma, sabaqty tasqa qashap jaza ma? S.Káttabekov atyndaǵy jalpy orta mektebіnіń qamqorshylyq keńesі, mundaı shala qamqorlyqtaryńyzdyń sebebі nede? - degen saýal joldady bloger.
Atalǵan Oralbekovanyń máselesіnen keıіn bloger aýdandaǵy ádіletsіzdіktі tіzіp kettі. Blogerdіń aıtýynsha, jastar dıplomy men bіlіmі bolsa da, aýdanda jumys tappaı júrgen.
- Álі de menіń qolyma bılіk tımesіn dep tіlep qoıyńyzdar. Túbіmen qoparamyn. Kemenі júgіmen, túıenі túgіmen jegenderdіń bárіn qustyrýshy edіm. Satylǵan sý, jer, jumys oryndary, úkіmetten bólіngen, talan-taraj bolǵan qarajat, sýdyń da suraýy bolýy kerek shyǵar. Mektepke komıssııa, tekserіs kelse muǵalіmderden aqsha jınap kіtaphanaǵa, dırektordyń úıіne dastarhan jaıyp, іshkіzіp-jegіzіp, qalǵanyn qaltasyna salyp jіberetіn eskі sıstemalaryńyzdy maǵan jasaı almaýshy edіńіzder, Shardara aýdanyndaǵy barlyq mektep dırektorlary, - deıdі bloger jeke Instagram paraqshasynda.
Aıta ketsek, Yrysbala Ikrambaı - 2 jyldan berі 80-ge jýyq muqtaj, kóp balaly otbasylarǵa asarlatyp baspana alyp bergen, sondaı-aq naýqastarǵa jylý jınaǵan tanymal bloger. Blogerdіń "Yrysty" qaıyrymdylyq qory arqyly eldegі ártúrlі muqtaj otbasylarǵa kómek kórsetіledі.