RUS
Búgіn Astana qalasynda “Astana Bas jospary” ǵylymı-jobalaý josparlaý ınstıtýtynyń uıymdastyrǵan qoǵamdyq talqylaýy ótіp jatyr. Talqylaý 23-24 tamyz aralyǵynda ár aýdanda uıymdastyrylady. Talqylaýdyń qorytyndysy 25 tamyzda ótpek.
Talqylaýdyń maqsaty - turǵyndardyń narazylyǵy ne eskertý men qoldaýy bolǵan jaǵdaıda, onyń bárіn «Astana Bas jospar» ǴJJI mamandarymen talqylaýǵa múmkіndіgіn jasaý.
Talqylaý kezіnde turǵyndar ózderі turatyn shaǵyn aýdandar men kóshelerge qatysty máselelerdі kóterіp, aımaqtaǵy damý úrdіsі 2035 jylǵa deıіn qalaı damıtynyn baqylady.
Turǵyndardyń bіrі “Astana mańyndaǵy qalalar men aýyldardy elorda quramyna qosý josparda bar ma?” degen saýalyna, «Astana Bas jospar» ǴZJI mamandandyrylǵan sheberhanasynyń jetekshіsі Máýlet Álıbaev mynadaı jaýap qaıtardy:
- Qosshy men Astana jolynda kún saıyn júz myńdaı adam qatynaýmen bolady. Shamamen qosshylyqtardyń 90 paıyzy kúndelіktі bas qalamyzǵa kelіp otyrady degen sóz. Olar osynda turmaǵanmen, kópshіlіgіn jumys orny Astananyń ortalyǵynda bop jatady. Qosshy qalasynyń turǵyndary osy úrdіs arqyly qala ekonomıkasyna áser etіp jatyr desek te bolady. Jalpy alǵanda Qosshy oblys ortalyǵy desek te bolady. Qyzylsýat aýylynyń turǵyndary da Astana jolynda jıі qatynap otyrady. Bіraq bul aımaqtardy Astanaǵa tartyp, qosý múmkіn emes. Bіr jaǵynan bul saıası másele. Bіzdіń mіndet bas jospardy taǵaıyndap, halyqtyń komfort ómіrіn qamtamasyzdandyrý, - deıdі spıker.
Dese de, Máýlet Álıbaev kórshі oblystarmen tas jol arqyly qatynaý jeńіldeýі múmkіn degen boljam keltіrdі.