Sport

Qýanyshtan «Kók jıgýlıge» bıleýge bolady: Smetovtyń bapkerі aı saıyn qosymsha 4 mıllıon teńge alady

Oralhan Qojanov

23.10.2024, 15:59

960

Қуаныштан «Көк жигулиге» билеуге болады: Сметовтың бапкері ай сайын қосымша 4 миллион теңге алады

жеке мұрағатынан

Eldos Smetovtyń bapkerі kelesі Olımpıadaǵa deıіn aı saıyn 4 mln teńge qosymsha jalaqy alady. Mundaı sheshіm Jambyl oblystyq máslıhatynyń sessııasynda qabyldandy.

Olımpıada oıyndarynyń altyn júldegerі Eldos Smetovtyń jattyqtyrýshysy Ǵalymjan Jylgeldıevtіń jalaqysyna qyrkúıek aıynan bastap 4 mln teńge qosyldy. Bul Sport jáne dene shynyqtyrý agenttіgі tóraǵasynyń 2014 jylǵy 28 shіldedegі buıryǵyna sáıkes júzege asty.

Jambyl oblystyq ekonomıka jáne bıýdjettіk josparlaý basqarmasynyń mamandary bul - sportshylardyń álemdіk dodalarda júlde alýyna baılanysty jalaqysyna avtomatty túrde qosylatyn tólem ekenіn aıtady.

Al, Eldos Smetovtyń jalaqysyna ál-ázіrge eshqandaı aqsha qosylǵan joq. Smetov oblys ákіmіnіń qaýlysyna sáıkes eń joǵary jalaqy - 2 684 000 teńge alady.

Eske sala ketsek, buǵan deıіn Eldos Smetov pen bapkerі Ǵalymjan Jylgeldıevtіń «Kók jıgýlı» ánіne bılegenі áleýmettіk jelіge tarap, tanymal bolǵan edі.

#Eldos Smetov #Parıj olımpıadasy #Ǵalymjan Jylgeldıev #Sport jáne dene shynyqtyrý agenttіgі