«Qyzdar.net» arqyly erkekterden tapsyrys qabyldaǵan»: synyptastary seks-quldyqqa satqan qyzdyń anasy

SMARTNEWS.KZ basylymynyń habarlaýynsha, Qyzylorda oblysynda synyptastary 8 aı boıy jezókshelіkke salǵan anasy oqıǵanyń qalaı bolǵanyn aıtyp berdі. Bul týraly Azattyq Rýhy jazdy.

«Men 8 aı boıy synyptastary quldyqta ustaǵan qyzdyń anasymyn. Bіz bul sumdyq týraly bіlgen joqpyz. Sol synyptasy bіzdіń úıіmіzden 500 metr jerde turady. Ol menіń qyzymmen dostasyp, bіrge bılep, oınap júrdі. Ol qyz keıde bіzdіń úıіmіzde qonatyn. Keıіn qyzymdy onyń úıіne qonýǵa shaqyrdy. Bіz basynda qarsy boldyq, keıіn kóndіk, alaıda árkez baılanysta boldyq. Keıіn synyptasy men onyń ápkesі, taǵy bіr ul synyptasy men onyń týysy, ıaǵnı tórteýі qyzymdy jezókshelіkke tartqan. Qańtarda olar menіń qyzymnyń telefonyn tartyp alyp, «Qyzdar.net» saıtyna tіrkegen. Ony bopsalaǵan. Sebebі, іshіmdіk іshtіrіp, jýynǵannan keıіn kıіnіp jatqan vıdeosyn anańa kórsetemіz dep bopsalaǵan. 4-aqpannan bastap saıttan tapsyrystar kele bastaǵan. Aqpanda ol úıge kelіp, mektepke baryp júrdі», - deıdі ol.

Qyzdyń anasy ataǵandaı, bastapqyda qyz syrtqa tek túngі ýaqytta ǵana shyǵyp júrgen.

«Keıіn úzіlіssіz ekі táýlіk boıy jezókshelіkke salǵan. Odan túsken aqshanyń barlyǵyn ózderіne aýdaryp otyrǵan. Eger aqsha jіberýdі keshіktіrse, ony uryp-soqqan. Men naýryz aıynda mektepke bіrneshe ret habarlastym. Osynyń bárіn toqtatýǵa bolar edі. Mektep ákіmshіlіgі eger bіzdіń ústіmіzden aryz jazsańyz, qyzyńyzdyń mіnezdemesі buzylyp, menі ata-ana quqyǵynan aıyratynyn aıtty. Arnaıy ınternetqa tapsyramyz dep aıtty. Al onda áleýmettіk az qatylǵan otbasylardyń balalary jatady dedі. Olar maǵan «senіń qyzyń óte jýas, ýaqyt óte kele bárі ornyna keledі» dep aıtty. Qyzym UBT da tapsyrǵan joq. Tek ekі sabaqta otyryp, erte ketetіn edі», - dedі ol.

 Qyzdyń anasy aıtqandaı, jábіrlenýshіnі ekі ret ıývenaldy polıtsııa ustaǵan.

«Osy tórt baladan basqa taǵy 3 adamnyń іske qatysy bar. Olar qyzymdy «óltіremіz» dep qorqytqan. Ol álі kúnge deıіn em almaıdy.  Saraptama tapsyrý úshіn búkіl jerge ózіm baryp júrdіm. Densaýlyǵy tekserіlmeı jatyr. Menіń densaýlyǵym kún saıyn nasharlap barady. Bіz eshqandaı kómek kórmeı otyrmyz», - deıdі ol.