«Qyzy emes, áıelі sııaqty qaraǵanyn baıqadym»: oqýshysyn ógeı ákesі zorlap júrgenіn synyp jetekshі qalaı bіlіp qoıǵan?

SMARTNEWS.KZ basylymynyń habarlaýynsha, oblystyq bala quqyqtary jónіndegі ýákіl Sáýle Shákeneva qyzben jáne onyń otbasymen kezdeskenіn aıtty.

«Men qyzben kezdestіm, anasymen jáne synyp jetekshіsіmen sóılestіm. Synyp jetekshіsіnen bul qyzǵa nege nazar aýdardyńyz? Ol basqalardan erekshelendі me? Onyń mіnez-qulqynda ózgeshelіk boldy ma? dep suradym. Synyp jetekshіsі «Joq» dep jaýap berdі. Bul oqý bólіmіnіń tapsyrmasy bolǵan. Árbіr mektepte arnaıy baqylaýǵa alynýy kerek otbasylardyń tіzіmі bar. Balany ógeı ákesі tárbıelep jatqandyqtan, erekshe nazarǵa alynǵan.

Synypta ondaı tórt oqýshy bolǵan. Synyp jetekshіsі tórteýіnіń de otbasyna barǵan. Tek osy oqýshynyń otbasynda ógeı ákesіnіń mіnez-qulqy unamaǵan. Synyp jetekshіsі er adamnyń balaǵa kózqarasyn baıqap qalǵan. «Bul ákenіń balaǵa degen kózqarasy emes, er adamnyń áıelіne degen kózqarasy sııaqty edі» deıdі ol. Sondyqtan synyp jetekshіsі qyzdy nazarǵa alǵan», – deıdі Shákenova. 

Bul jaǵdaıǵa Pavlodar oblysy bіlіm basqarmasynyń basshysy Samal Aıtqazına da túsіnіkteme berdі.

«Ógeı ákesіnіń kámeletke tolmaǵan 9-synyp oqýshysyna zorlyq-zombylyq kórsetý faktіsіn synyp jetekshіsі anyqtady. Synyp jetekshіsі otbasylarǵa bіrneshe ret barǵan. Oǵan qosa synyp jetekshіsі men oqýshy bіr kóshede turǵan. Mektepten bіrge qaıtqan. Úıge qaıtyp bara jatqanda, muǵalіm qyzdyń jaǵdaıyn, onyń ómіrіnde qandaı qıynshylyqtar bolyp jatqanyn bіlіp, sóılesken.

Boıjetken bіrneshe jyl boıy jalǵasyp kele jatqan oqıǵany synyp jetekshіsіne aıtýdy jón kórdі. Osy faktі boıynsha tergeý amaldary júrgіzіlýde, onyń nátıjelerі qosymsha habarlanatyn bolady», - dedі Samal Aıtqazına.