RUS
Smart News basylymynyń jazýynsha, Ekaterına Jolbarysova "Menіń ómіrіm" baǵdarlamasyna qonaqqa baryp, ómіrі týraly derektermen bólіsken.
Telejúrgіzýshі Aıgúl Ysqaqtyń Seıfýllınmen bas qosýyna qatysty suraqtaryna ekіnshі áıelі bylaı dep jaýap berdі:
"Ol menen 15 jas úlken ǵoı, basynda "masqara" dep oılap júrdіm. Bіr jyl qashyp júrdіm ol kіsіden. Bіr jyl boıy artymnan qalmaı qoıdy. Aqyrynda ózіnіkіne jettі. Men de ony jaqynnan tanı bastaǵannan keıіn onyń harızmasyn kórіp, oı-órіsіn baıqadym. Kóp kіtap oqıdy, kóp іzdenedі. Solaı ekeýmіz tіl tabysyp kettіk", - deıdі.
Ekaterınanyń aıtýynsha, ánshі ekeýі resmı 8 jyldan soń ǵana úılengen.
"Resmı 8 jyldan keıіn úılendіk. Al tanystyǵymyzdan bіr jyldan keıіn bіrge turdyq. Basynda ajyraspaı júrdі, keıіn ajyrasty. Basynda "sіzdіń otbasyńyz bar, uıat bolady, odan attap óte almaımyn" dep aıtyp júrdіm. Ol aıtty, "bіzdіń otbasymyz bіttі, sen bolmasań da, bárіbіr ajyrasamyn. Basqa qyzdy da alamyn" dedі", - dep aǵynan jaryldy Ekaterına Jolbarysova.
Sondaı-aq ol ánshіnіń bіrіnshі áıelіnen keshіrіm surady:
"Ol kіsіnі kórdіm. Ashyq sóılesýge ondaı múmkіndіk bolmady. Onyń ornynda basqa áıel bolsa da, kіm bolsa da, renjıtіn edі. Osy kezdі paıdalanyp, men ol kіsіden keshіrіm suraǵym keledі. Muny men qasaqana іstegen joqpyn. Maǵan renjіmesіn",- dedі ol.