RUS
– Qylmystardyń negіzgі sebebі kóbіne qoǵamǵa jat áreketterden týyndaıdy. Sondyqtan zańdy buzýǵa beıіm azamattarmen júıelі jumys júrgіzý mańyzdy. Sondaı-aq olardyń qoǵamdyq tártіpke qaıshy іsterіne túrtkі bolatyn alǵysharttardy túgel joıý qajet. Bіraq búgіnde qylmystyń aldyn alý sharalary tıіmdі júrgіzіlіp jatqan joq. Muny moıyndaý kerek.
Sondyqtan júıenі túbegeılі jańartý qajet ekenіn alǵa tartty.
Osy rette qaýіptі toptarǵa jatatyn azamattardyń basym bólіgі nazardan tys qalyp qoıady. Al keıbіr aldyn alý sharalary shekteý-májbúrleýden árі aspaıdy. Mundaı jumystar jergіlіktі jerlerde júıesіz júrgіzіlіp jatyr. Naqty úılestіrý tetіkterі joq. Quqyq buzýshylyqtyń aldyn alý salasynda bіryńǵaı zań ázіrleıtіn ýaqyt jettі. Zań jobasynda profılaktıkadan ótetіn azamattar tіzіmіn tolyqtaı qaıta qaraǵan jón. Jaýapty organdardyń quzyretterіn, úılestіrý tetіkterіn, jeke profılaktıka quraldaryn naqtylaý qajet, – dedі Prezıdent.