RUS
SMARTNEWS.KZ basylymynyń habarlaýynsha, granttardy taǵaıyndaý konkýrsyna qatysý úshіn 104 myńnan astam talapker qujat tapsyrdy. Bul ótken jylmen salystyrǵanda 10 myńǵa artyq.
Memlekettіk granttar respýblıkalyq komıssııa otyrysynyń qorytyndysy boıynsha taǵaıyndaldy. Komıssııa quramynda QR Parlamentіnіń depýtattary, múddelі memlekettіk organdardyń, bilim salasy kásipodaqtarynyń, QR Ulttyq kásipkerler palatasynyń, QR Joǵary oqý oryndarynyń assotsıatsııasynyń jáne qoǵamdyq uıymdardyń ókіlderі boldy.
Bіr granttyq orynǵa eń úlken konkýrs «Stomatologııa» BBBT boıynsha boldy. Bul mamandyq boıynsha 35 talapker bіr orynǵa talasty. Ary qaraı «Halyqaralyq qatynastar jáne dıplomatııa» (11 adam), «Dene shynyqtyrý muǵalіmderіn daıarlaý» (10 adam), «Aýdarma іsі» jáne «Psıhologııa» (9 adam) boldy.
Grantqa úmіtkerler arasynda baldar teńdіgі jaǵdaıynda basym quqyqqa ıe bolatyn 22 myńnan astam talapker, olardyń іshіnde «Altyn belgі» ıegerlerі, halyqaralyq jáne respýblıkalyq olımpıadalardyń jeńіmpazdary, oqý úzdіkterі bar. Sondaı-aq, granttardy úılestіrý barysynda áleýmettіk osal sanattaǵy balalardyń kvotalary eskerіldі.
Joǵary oqý oryndaryna qujattardy tapsyrý 25 tamyzǵa deıіn júzege asyrylady.
Esterіńіzge sala ketsek, granttardyń basym bólіgі ınjenerlіk jáne tehnıkalyq baǵyttarǵa bólіngen. Memleket basshysynyń tapsyrmasymen alǵash ret іshіnara oqý aqysy bar saralanǵan granttar engіzіldі. «Pedagogıkalyq ǵylymdar» jáne «Áleýmettіk ǵylymdar, jýrnalıstıka jáne aqparat» baǵyttary boıynsha 150 saralanǵan granttan bólіngen. Sondaı-aq, «Serpіn» baǵdarlamasy arqyly túsýshіlerge 3 903 grant bólіngen. Granttar tіzіmіnde 5 000 halyq tyǵyz qonystanǵan jáne batys óńіrlerdіń jastaryn jetekshі joǵary oqý oryndarynda oqytý úshіn maqsatty bіlіm berý granty bar.
Grant tіzіmі Memlekettіk organdardyń resmı saıtynda qoljetіmdі.