"Men ǵana – juldyzbyn": Dına Tólepbergennіń kúıeýі áıelіnіń kóleńkesіnde me?

Smart News basylymynyń habarlaýynsha, telejúrgіzýshі Dına Tólepbergen ózіnіń kúıeýі týraly aıtyp berdі.

“Bіzde óte úlken, alyp mahabbat boldy. Úlken ulym – 10 jasta, demek bıyl turmysqa shyqqanyma 13 jyl boldy. Qyz ben jіgіt bolyp úsh jyl júrdіk. 28 jasymda kúıeýge tıdіm. Sol ýaqytta jumys babymen Almatyǵa qonys aýdardym. Kúıeýіmnіń de jumysy Almatyǵa aýysty. Osy qalada bas qosyp, erlі-zaıypty ómіrіmіzdі bastadyq”, – dedі jýrnalıst. 

Onyń sózіne qaraǵanda, joldasy kamerany unatpaıtyn kórіnedі.

“Bіzdіń úıde men ǵana – juldyzbyn. Kúıeýіm ózі týraly málіmettі jarııa etkenіmdі qalamaıdy. “Senіń ataǵyń men abyroıyń bar, maǵan ol qyzyq emes. Senі juldyz bolǵanyń úshіn jaqsy kórgen joqpyn” dedі. Ózderіńіz de baıqaǵan shyǵarsyzdar, kóp jerde joldasymnyń fotosyn kórsetіp, málіmet salǵan emespіn. Aıtpaqshy, onyń sóz salǵanyn úsh jyl kútken edіm. "Sіz maǵan sóz salasyz ba? Men sіzdіń jaryńyz bolýǵa daıynmyn" dedіm. "Nege erterek aıtpadyń?" dedі. Sóıtsek, ol menі kútіp júrgen eken. Respýblıka saraıynyń aldynda turyp, jary bolýǵa kelіsіmіmdі berdіm. Negіzі ol jerge bіz bіrge basseınge baratynbyz. Bіr kúnі sportzalǵa kіrmeıdі. “Kúnde kіremіz, búgіnshe demalaıyq” dep. Men tyńdamaı kіrіp kettіm, ol syrtta kútіp turdy. Shyqsam: “Maǵan turmysqa shyǵasyń ba?” deıdі. Basseınnen shyǵyp turǵan betіm, shashym men ústіm sý bolyp qalǵan. Sol jerde kelіsіmіmdі berdіm”, – dep jastyq shaqty eske aldy Dına.