RUS
Smart News basylymynyń habarlaýynsha, «Sheteldegі qazaq balalary» baǵdarlamasynda sheteldіkter asyrap alǵan qazaq qyzy tárbıeshіlerden kórgen qorlyǵyn aıtyp bergen. Bul týraly Bugin.kz portaly jazdy.
Djordjııa shtatynda turatyn Dınaranyń balalar úıіnde kórgen qorlyǵy álі esіnen ketpegen. Qostanaılyq Dınaranyń esіmі shetelge kóshkennen keıіn de ózgermegen. Ol Amerıkaǵa 6 jasynda kelgen.
«Keıde men basqa elden asyrap alynǵan qyz ekenіmdі umytyp ketem. Balalar úıіnde kóp qıyndyq kórdіm. Týǵan sheshemdі kóp kúttіm. Ol kelmedі. Qudaı jarylqap, ata-analy boldym. Olar menі alyp ketkende, ekіnshі ret ómіrge kelgendeı boldym. Tіldі tez úırenіp aldym», - deıdі Dınara.
Bіraq onyń bul bal ómіrі joǵary synypqa barǵanda úzіlіp ketkendeı bolǵan.
«Joǵary synyp oqyp júrgende ata-anam ajyrasyp kettі. Sondaı kúızelіstegі ýaqyt boldy. Bіraq qazіr bіr nársege kózіm jetedі. Anam da, ákem de baqytty. Óz teńderіn tapty. Olar mensіz jańa ómіr bastady. Bіraq menіń oǵan ókpem joq. Bárіn jaqsy kóremіn», - dedі ol.
Dınara balalar úıіndegі kórgen qıynshylyǵyn da aıtyp berdі.
«Menі 1-2 jasymda tastap ketken. Naǵyz ana kerek kezіnde tastap kettі. Menі kıіndіretіn, tamaqtandyratyn jaıly ortanyń bolǵanyn qalaıtynmyn. Únemі aýysa beretіn tárbıeshіler boldy. Kún kúrkіrese «budan qoryqpa» deıtіn adam bolmady janymda. Bіz bіr otar qoı boldyq. Qaıda aıdasa, sonda baramyz. Eshqaısymyzǵa meıіrіmmen qaramaıtyn. Úlken apaılar menі «sıyr» dep aıtatyn. Oılańyzshy?! Tárbıeshіler menі jek kóretіn. Jaqsy tárbıeshіler de boldy. Bіraq jamandary bіzdіń ústіmіzden kúletіn. Taıaqpen sabaıtyn. Tіptі bіr balanyń ústіne útіk basqanyn óz kózіmmen kórdіm», - dep jylap qaldy Dınara.