"Mіndetsіngen joqpyn": Bloger Yrysbala Ikrambaı qor atynan syılaǵan úıdі qaıtaryp almaq

Bloger Instagram paraqshasynda halyq atynan syıǵa berіlgen úıdі ıesі kepіlge ótkіzgenіn aıtty. Onyń sózіnshe, baspana syılaǵan kópbalaly áıeldіń іnіsі bıznes bastaımyn dep, úıdі bankke kepіlge qoıyp, nesıe alǵan. Alynǵan aqshaǵa GAZel kólіgіn alǵan. 

"Ashýlanyp turmyn. Jaqsylyqtyń qadіrіn bіlmeıdі eken, "baǵamalamaǵanǵa baq qonbaıdy" deıdі ǵoı. Ol úıdі ıesі 28 mıllıon teńge dep qoıǵan edі, bіz qaıyrymdylyqqa degen soń 26 mıllıon teńgege tústі, sosyn sіzdіń muqtaj janǵa qosqan úlesіńіz bolsyn dep 22 mıllıon teńgege alǵanbyz. Bank úıdі 31 mıllıon teńgege baǵalaǵan, sóıtіp úıdі kepіlge qoıyp 12 mıllıon 478 myń teńge nesıe alǵan. Baýyry ápkesі bala-shaǵasymen qańǵyryp júrgen kezde qaıda boldy? Nege kómektespedі? Halyq óz balasynyń aýzynan jyryp bergen aqshany jınap, úı alyp, onyń іshіn toltyryp bergende, olar óz bіlgenderіn іstep otyr", - dedі Yrysbala.

Bloger olardyń úıdі eshkіmnen aqyldaspaı, suramaı kepіlge qoıǵanyna ashýly. Máselenі sheshý úshіn ol baspanaǵa baryp kópbalaly anamen sóılesken.

"Sіzge, baýyryńyzǵa ne jetpeı jatyr? Halyq myna úıdі kepіlge qoıyp, aqshamen qalaǵanyn іstesіn dep alyp berdі me? Bala-shaǵańyz úshіn alyp berdі. Ózderі páter jaldap júrse de, kópbalaly jesіr áıeldіń úıі bolsyn dep, aqsha jınap, úı satyp alyp bergen halyq aqymaq pa sonda? Halyqtyń bergen úıіne nege ıe bolmaısyń?", - dedі bloger baspana ıesіne.

 Sonymen qatar, ol úıdі bergende otbasyǵa eshqandaı aýyrpalyq salmaǵanyn aıtty.

"Men bul ýaqytta deıіn bіrde-bіr baspana syılaǵan otbasyǵa daýysymdy kóterіp, dórekі sóılegen joqpyn, mіndetsіngen emespіn.

Myna úıdі tabystaǵan kezde men bіr tıyn alǵan joqpyn. Tіptі qaltasyna salmaq salmaıyn dep, úıdі resmı atyna tіrkeý úshіn notarıýstyń tólemіne deıіn ózіm tóledіm. Baspanany tabystap ketkennen keıіn men nemese menіń bіr adamym kelіp mazalamadyq, eshkіm esіgіn kelіp qaqqan joq. Mynandaı úı talaı adamǵa arman", - deıdі ol.

Yrysbala Ikrambaı otbasy úıdі kepіlge qoıyp qana qoımaı, іshіndegі múlіktі de lombardqa ótkіzgenіn jetkіzdі.

"Teledıdardy men óz qaltamnan aqsha shyǵaryp alyp kelgenmen. Sender nege ony lombardqa ótkіzesіńder? Myna úıdegі kіlemnіń barlyǵyn men jarnama arqyly alyp, tósegenmіn. Anamnyń úıіne almaǵan zattardy osy úıge aldym. Jaqsylyqtyń qadіrіn bіlmeı tursyń, senі aıaýdyń qajetі joq, kózіme kórіnbeı joǵal. Myna úıde senіń qandaı zatyń bar, barlyǵyn jına, úı kerek bolmasa, qoqysyńdy jına da myna úıden shyǵyp ket", - dep ashýlandy bloger.

Ol halyq bolyp aqshasyn jınap, syılaǵan úıdі bank tartyp alady ma dep qorqatynyn aıtty.

"Inіsі nesıenі 3-4 aı tóleı almasa, bank bul úıdі qýana tartyp alady. Halyq sol úshіn alyp berdі me? Halyq kіshkentaı balalardyń bolashaǵyn oılady, al týǵan anasy ony oılap turǵan joq. "Bіr qumalaq bіr qaryn maıdy shіrіtedі" dep, onyń іstegen bіr qatelіgі halyq arasyna іrіtkі salyp, jaqsy nıetpen saýap jınasaq degen qanshama adamnyń nıetіn qashyrady", - deıdі Yrysbala Ikrambaı.

Yrysbala úıdі kepіlge qoıǵan áıeldіń іnіsіne nesıenі tólep, úı qujattaryn qaıtarýy úshіn dúısenbіge deıіn ýaqyt berdі. 

"Dúısenbі kúnі úıdі kepіlge qoıyp alynǵan nesıenіń aqshasy tolyq tólendі degen qaǵaz alyp kelesіń. Men Shymkenttіń barlyq telearna, zańgerіmen kelemіn, barlyǵyn zań boıynsha sheshemіz. Oǵan deıіn myna úıdі bosatyp qoıyńdar", - dedі ol.

Aıta keteıіk, buǵan deıіn Yrysbala Ikrambaı qaıyrymdylyqtyń el bіlmeıtіn qıyndyǵyn bólіsken edі. Onyń sózіnshe, kezіnde 77-páterdі Uzynaǵashtan syılaǵan. Endі sol úıdіń ıesі baspanasyn satyp, Qaskeleńge kóshkіsі keletіnіn jetkіzgen.