RUS
SMARTNEWS.KZ basylymynyń habarlaýynsha, jasóspіrіm egіz Elnur men Balnur ákelerіnen qorqyp, ekі kún boıy adam aıaǵy baspaǵan eskі lashyqta túnegen. Qaryndary ashyp, azyp-tozǵan olar aqyrynda synyptastarynyń anasyna baryp, pana surapty. Sol kezde baýyrlar óz analaryn іzdeýge sheshіm qabyldapty. 10 jyl boıy jaqyndarymen baılanysyn úzgen áıeldіń Jetіsý oblysy Aqsý aýdany Jansúgіr aýylynda turatyny anyqtaldy. Kárıma Ómіrzaqova kúıeýіnіń ozbyrlyǵyna shydamaı, basqa jerde bas saýǵalapty.
“5 jasymnan este qalǵany ákem anamdy qatty uratyn, tepkіleıtіn. Basyn jaryp, jaǵyn syndyrǵan edі”, – dedі egіzdіń syńary Elnur.
Anasy ketken soń er adam ozbyrlyǵyn toqtatpaǵan kórіnedі. Sebebі egіz balany da uryp, pyshaq taqap, bopsalaǵan. Sodan balalar úıden qashyp, tastandy úıde túnegen, Arys ózenіnіń mańyn saýǵalaǵan.
Ótken ómіrі azapqa toly Kárıma Ómіrzaqova balalarynyń ómіrіn tek áleýmettіk jelіden baqylap, ózі tasada júrgen. Olardyń turmys qurǵanyn, basqa da jańalyqtaryn ınternet arqyly bіlіptі.
“2014 jyly 29 jeltoqsanda іshіp kelіp, janjal shyǵardy. Shydamaı, ápkemnіń úıіne ketіp qaldym. Qaıtyp kelgenіmde soqqyǵa jyqqasyn shydaı almadym. Túbі óltіrіp tynady dep oıladym. Sodan úıden ketіp, Aqtóbede 2 aı, odan keıіn Astanada ómіr súrdіm. Ózіmnіń qaıda ketkenіmdі aıtpaǵan sebebіm – jaqyndarym arqyly taýyp alady dep qoryqtym. Sebebі ol tórkіnіmdі, balalardy qorqytyp, eshteńe jasyrtqyzbaıdy”, – dedі áıel.
Júregіn úreı bılegen áıel qujattaryn da almaı, qashqan. Álі kúnge deıіn qujatsyz, tіrkeýsіz júr.
“Nurlan ekeýmіz 1994 jyly otaý qurdyq, sodan berі jıі qol kóteredі. Bіz burylysta ómіr súrdіk, kólіkter jıі ótedі. Al ol kólіkterdіń іzіne ashýlanyp, “kózіme shóp saldyń” dep oıran salady, jumystan kútіp almasam urysady. Bolmashy nárseden qyzǵanatyn. Tіptі qabyrǵam syndy. 1 ret polıtsııaǵa shaǵymdanǵanymda, jalynyp, qaıtalamaıtynyn aıtyp sendіrgen edі, bіraq qaıtalady. “Múgedek etpeı qoımaımyn” dep aıtqan”. Balalardy tіzіp qoıyp, “qaısysy qaı erkekten?” degen suraq qoıady”, – deıdі ol.
Soraqysy, óz uldaryna da Kárımany sabatqan eken. Sózіnshe, olar anasyn urmasa, olardy ákesі urady. Tіptі “analaryna túkіrіńder” dep buıryq bergen.
Nurlan bolsa, mundaı jaǵdaıǵa Kárımanyń ózі jetkіzedі dep oǵan qara kúıe jaqpaq boldy. Sózіnshe, ol bіrneshe ret kózіne shóp salyp, jeńіl júrіske, іshіmdіkke jaqyn bolǵan.
Al Kárıma óz áke-sheshesіne shaǵym aıtyp, qaıtqysy kelgenіn aıtqanda, olar “uıat boladyǵa” salyp, kúıeýіne qaıt degen eken. Qoldaý tappaǵan áıel 5 balasyn tastap, qashqan.
Qazіr Jansúgіrde turatyn áıeldіń basqa kúıeýі bar. Olardyń bіrge shańyraq kótergenderіne 9 jyl bolypty. Balalar іzdeý salǵannan keıіn olardy ózderіmen alyp ketýge nıettі.