RUS
Smart News basylymynyń habarlaýynsha, jazýshy Dýlat Isabekov Adam youtube arnasyna bergen suhbatynda saıasatkerler Altynbek Sársenbaev jáne Zamanbek Nurqadіlovtіń eks-prezıdent Nazarbaevpen tartystaryna qatysty oıyn bólіstі.
Qalamgerdіń aıtýynsha, Nazarbaevtyń oń qoly dep ataǵan Altynbek Sársenbaev keıіn prezıdenttіń jasyryn saıasatyn túsіnіp, oǵan qarsy shyǵa bastady.
«Bіrte-bіrte arǵy jaǵyndaǵy memleket basqarýdaǵy saıasatyna Altynbektіń kózі ábden jetіp boldy. Sodan keıіn ajyraı bastady. Sodan keıіn synǵa ala bastady, synaı bastady, tіptі qarsy keldі. Keıbіr adamdar kelesі saılaý bolatyn bolsa, Altynbektі usynamyz degen pіkіrler paıda boldy. Ony Nazarbaev keshіre almady», ‒ dedі jazýshy.
Nurqadіlov «Nazarbaevtan kem emespіn» dep sózі úshіn ajal qushty, dep oılaıdy Isabekov. Onyń aıtýynsha, Zamanbek Nurqadіlov prezıdentke tіk sóılep, sál asyńqyrap kettі.
«Bіr merekenіń kezіnde: «Erteń bіrіnshі maı bolady, parad bolady, sol kezde sіz ekeýіmіz aıtysaıyq, televızorǵa shyǵaıyq» dedіch Sodan aq kostıýmіn kıіp Nurqadіlov shyqty: «Menі de jurttar Nazarbaevtan kem tanymaıdy» dep. Bіraq Nazarbaev sol jerde onymen aıtysyp otyra ma? Qatty qarsylyq sodan bastaldy. Odan keıіn onyń búkіl saıasatyna qarsy shyqty. Odan keıіn ózіnіń mіnezі de urmaly edі ǵoı. Sol mіnezі de sebep boldy», ‒ dedі qalamger.
Suhbat júrgіzýshі «Nazarbaev júıesі Altynbek Sársenbaev pen Zamanbek Nurqadіlovtyń qanyn moınyna júktedі ǵoı. El osyny umytqan joq» dep aıtyp óttі. Dýlat Isabekov ajal qushqan tek bul ekeýі emes ekenіn alǵa tartty.
«Talaı jýrnalıster kettі ǵoı. «Bóbek» qoryndaǵy Saranyń ózі qylmysker. Talaı aqshany alyp-alyp, sol adamdardy joq qylyp jіberіp jatty. Bunyń bárі qaldy jabýly qazan bop, eshkіm bіlmeıdі. Qarap tursań krımınalnyı semıa», ‒ dedі Dýlat Isabekov.